Krijohet një xhel kontraceptiv hormonal për burrat, i cili po të aplikohet në mënyrë të përditshme mbi lëkurë zvogëlon prodhimin e spermës.Ky xhel, i cili ka rezultuar efikas në 89 për qind të rasteve, mund të shndërrohet në një mënyrë kontracepsioni të besueshëm për burrat dhe cilësohet si e ardhmja e kontracepsionit për meshkuj, një teknikë që duket si tejet efikase për jetën seksuale të tij.

Por cilët janë përbërësit e këtij xheli kontraceptiv?
Kërkuesit shkencorë për krijimin e këtij xheli kanë ndërthurur një xhel transdermik me bazë testosteroni, Nestoron, me një progestinë të re, e ngjashme me substancën hormonale të progesteronit.

“Është hera e parë që kombinimi i testosteronit dhe Nestoronit po aplikohet kështu në lëkurë për të furnizuar me sasinë e duhur hormonale, të cilat sjellin pakësimin e prodhimit të spermës tek burrat”, shpjegon Christine Wang, nga qendra mjekësore Ucla
Sipas saj, xheli nuk shkakton efekte të padëshiruara në organizmin e meshkujve.

Krijuesit e këtij xheli kontraceptiv bëjnë me dije se burrat do të mund ta përdorin së shpejti xhelin transdermik, ndërkohë që deri më tani kërkimet mbi kontraceptivët me bazë testosteroni, të kombinuar me progesteron, nuk kanë pasur sukses.

Krijuesit e këtij kontraceptivi thonë se 56 burra e kanë ndjekur për të paktën 20 javë trajtimin me këtë xhel transdermik dhe ka rezultuar se në 89 % të rasteve është pakësuar niveli i prodhimit të spermatozoideve, duke shmangur kështu shtatzëninë e paplanifikuar tek partneret e tyre.
Burimi: sekretebukurie