Përballë saj edhe pasanikët dhe miliarderët europian dhe amerikanë duken si të varfër. Gina Rinehart 58 vjeç, është gruaja më e pasur në botë falë aktivitetit të saj minerar në Australi.

Sipas klasifikimit vjetor siç raporton infoshqip.al, i publikuar në Business Review Weekly, pasuria e saj është e barabartë me 22.6 miliardë euro me ritmin e rritjes prej 1 milionë e gjysëm në orë. Në vendin e dytë renditet amerikania Christy Walton, vejusha e cila trashëgoi pasuritë e dyqaneve të mëdha Walmart me 2.4 miliardë euro më pak. Përveçse drejton perandorinë Hancock Prospecting e specializuar në mineralet e hekurit, Rinehart është aksionarja e parë e grupit editorial Fairfax (ku përfshihen Sydney Morning Herald, The Age, Australian Financial Review dhe New Zealand Herald), konkurrentja kryesore e Rupert Murdoch. Rritja e aktivitetit të saj thuhet në revistë, erdhi falë investimeve të huaja në projekte të reja, si dhe nga rritja e prodhimeve të mineralit të hekurit gjatë 6 muajve të fundit.