Pashë prindërit duke e mbytur motrën time

Motra e një adoleshenteje të vrarë në Britani në vitin 2003, ka dëshmuar në gjykatë duke thënë se ajo ka parë prindërit e saj duke e mbytur. Alesha Ahmed tregoi përpara gjykatës se si prindërit e saj, Iftikhar dhe Farzana Ahmed e mbytën vajzën e tyre 17 vjeçare duke i futur një qese plastike në gojë.

Ngjarja tragjike ndodhi në vitin 2003, por vetëm tani është zbardhur për shkak se motra ka vendosur të dëshmojë për krimin e rëndë.

Alesha po ashtu dëshmoi se si i ati i saj e kishte futur trupin në qese dhe më pas në bagazhin e makinës.

Trupi i dekompozuar i Shafilea-s u gjet në vitin 2004 në Cumbria.

Prindërit e saj e kanë mohuar krimin vazhdimisht.

Çifti dyshohet se vrau vajzën sepse ajo ishte ‘perëndimëzuar’. Ata besonin se sjellja e saj po turpëronte familjen e tyre.

Shafilea kishte dëshirë të shkonte në universitet dhe kishte një të dashur si vajzat e tjera të moshës së saj.

Por prindërit e kishin kërcënuar me dhunë dhe e kishin dërguar në vendlindjen e tyre, në Pakistan, për ta martuar me shkesi. Aty ajo u vetëhelmua dhe u soll për trajtim mjekësor në Britani. Shafilea u zhduk nga familja në shtator dhe nisi kolegjin dhe një punë part time. Por babai e rrëmbeu atë me taksi një ditë ndërsa po shkonte në shkollë.

u jep zoti femij derrave