Ashtu siç ishte njoftuar edhe më parë, grupe të rinjsh maqedonas kanë protestuar ditën e shtunë në Shkup por edhe në qytete të tjera të Maqedonisë.

Gjatë këtyre protestave, nuk munguan as thirrjet e parullat kundër shqiptarëve, pas incidenteve të fundit dhe acarimit të marrëdhënieve ndëretnike në këtë vend.

Gjatë protestës para institucioneve të qeverisë në Shkup, e cila u quajt si një kundërpërgjigje e protestës që organizuan shqiptarët e Maqedonisë ditën e premte, rreth 100 protestues maqedonas kërkuan dënimin e vrasjes së pesëfishtë të pak javëve më parë. Ata nuk i ndalën thirrjet raciste, të tilla si “Vdekje shqiptarëve”, “Dhoma gazi për shqiptarët”, “Stop terrorizmit islamik”, etj. /albobserver/