Kompania nga Kalifornia SpaceX ishte gati për të hyrë në histori, pasi do të dërgonte një kapsulë me rreth gjysëm toni furnizim në stacionin hapësinor.

Por lëshimi mëngjesin e sotëm ka dështuar në mënyrë të turpshme.

Pak sekonda përpara nisjes, pati probleme teknike, që e lanë raketën në platformën e nisjes.

Zyrtarët më pas thanë se pati disa probleme teknike, ndërsa paralajmëruan se nisja do bëhet të martën.

Sipas BBC, kjo do jetë hera e parë që sektori privat ofron një shërbim të tillë.

Zakonisht një detyrë te tillë e kryejnë agjencitë qeveritare si Nasa dhe Esa.

Anija Dragon, pa person në bord, do të niset nga një bazë ajrore në Florida.

“Nuk ka asnjë dyshim, ky është një fluturim historik,” tha Gwynne Shotwell, president i SpaceX.

“Vetëm katër shtete, ose grupe shtetesh, kanë arritur të parkojnë anijen hapësinore tek Stacioni Ndërkombëtar Hapësinor. Europa, Rusia, SHBA dhe Japonia. Ndaj jemi të gëzuar”.

Duke kaluar të tilla misione tek privatët, agjencia hapësinore amerikane, NASA do jetë në gjendje të shpenzojë më shumë për të planifikuar misione të tjera përtej Tokës, në Mars apo në asteroide.