"Il fatto quotidiano" ka zbuluar dje se kush është ndërmjetësi shqiptar për blerjen e diplomës universitare të Renzo Bossit. Sipas gazetës, ai banon në provincën e Bergamos, ku figuron si konsulent në profesion privat.

Arben Dybeli, që është pritur në Tiranë edhe ngë ministri i Jashtëm Edmond Haxhinasto në zyrën e tij, është intervistuar këto ditë, pas plasjes së skandalit të Bossit nga "Il fatto" dhe ka bërë deklaratat e mëposhtme.

A është e vërtetë që "Trofta" duhet të ketë shkuar në Shqipëri për të marrë 29 provimet, pasi, për t'i marrë ato, duhet të jesh i pranishëm?
Sigurisht, ka qenë në Tiranë, ndaj dhe e ka marrë diplomën.

Por ka një gjë që nuk shkon, sapo ka marrë diplomën e shkollës së mesme, një vit më vonë është diplomuar, në fakt duhen tre vjet për ta marrë?
Këtë nuk di ta them, por me sa duket është bërë më i zgjuar.

Me që ka bërë tre vjet në një?
Jo, tre vjet në një, nuk mund ta them, sepse nuk e kam verifikuar të kaluarën e Bossit, unë nuk e njoh. Nuk mund të them asgjë për atë që nuk më takon dhe nuk kam informacion. Unë jam përfaqësuesi, koordinatori i Universitetit Kristal për Evropën dhe për Italinë. Shoqëria jonë është një shoqëri që informon lidhur me studimet e larta të gjithë ata studentë, italianë apo jo, që, për arsye të ndryshme, vendosin të zgjedhin rrugë të tjera për të arritur objektivat e tyre në shkollimin e lartë.

Pra, nuk i keni parë asnjëherë, nuk i njihni Renzo Bossin dhe Pier Moscën?
Mund edhe t'i kem parë, por të kujtosh 25 mijë studentë, nëse nuk i njeh personalisht, është shumë e vështirë.

Nëse një shtetas italian dëshiron të të marrë një diplomë te Kristali, kujt i drejtohet në Itali? Juve?
Jo, nuk më drejtohet mua, por universitetit vetë, unë përfaqësoj universitetin.

Sipas "Il fatto", zyrat e Kristal Italia janë mbyllur një muaj më parë. "Fitonin pak, s'kishin punë thuajse fare, kështu më thanë", tregoi pronari që u kishte dhënë një sipërfaqe prej 12 metrash katrorë me qira. Ndërkohë, në derë vazhdon të jetë e shkruar "Kristal Italia'. Kontrata e qirasë ishte në emër të gruas së Dybelit. I pyetur pse kontrata ishte në emër të gruas, ai u përgjigj se gruaja është presidente e Shoqatës Zbulohet ndërmjetësi shqiptar i BossitKristal Italia. Por, e pytetur direkt, e shoqja tha se nuk di asgjë, pasi me këtë punë merret burri dhe asaj nuk i intereson. Por Dybeli e ka mohuar këtë përgjigje, duke thënë se nuk e di se me kë ka komunikuar "Il Fatto", natyrisht jo me gruan e tij. Ai shton se universiteti Kristal është një universitet privat, ka rreth 25 mijë studentë, pesë kampuse, është serioz, mjaft i kualifikuar, ku jep mësim një staf më cilësi të lartë.