Gjatë një aktiviteti të përvitshëm me rastin e “Ditës Botërore e Tokës”, Ministri i Mjedisit Mediu deklaron se vetë shqiptarët duhet të ndergjegjësohen për të ruajtur ekosistemin në mënyrë që raste si përmbytja e Shkodrës apo rrëshkitja e dheut në disa zona të veriut për shkak të shpyllëzimit të mos ripërsëriten.
Gjate 20 viteve të fundit erozioni, avancimi i detit dhe ndotja e tokës, kanë qënë problemet më të rënda që kërcënojnë ekosistemin e vendit tonë, të cilat nuk kanë marrë vëmendjen e duhur nga politik-bërësit, theksoi Mehdiu.
Gjithashtu studiues të këtyre çështjeve deklaruan se duhet të merren masa urgjente për të parandaluar këtë fenomen, edhe nëse ndodh për shkaqe natyrore.
Sipas studiuesve, në vendin tonë ka tre kategori të rrezikuara: zonat me erozion për shkak të shpyllezimit, erozioni bregdetar dhe zonat e rrezikuara nga ndotjet kimike.
Qytete më të prekura nga erozioni, për shkak të dorës së njeriut janë Mirëdita, Puka, Kukësi, Lezha dhe Shkodra, të cilat pak muaj më parë u përfshinë për herë të dytë nga përmbytjet. Problem shqetësues është dhe ndotja e tokës nga lëndët kimike. Pika të nxehta në këtë hartë janë metalurgjiku i Elbasanit, fabrika e baterive në Berat, soda kaustike në Vlorë si dhe Porto Romano në Durrës.
Ndërkohë ekspertët shprehen se problem mbetet e gjithë vija bregdetare e Shqipërisë, ku gjatë 20 viteve të fundit deti ka përparuar, ndonëse jo në shifra të rrezikshme.

Ndërkohë ekspertët shprehen se problem mbetet e gjithë vija bregdetare e
Shqipërisë, ku gjatë 20 viteve të fundit deti ka përparuar, ndonëse jo
në shifra të rrezikshme