Sinuset në kuptimin e plotë të fjalës janë vrima në kafkën tonë të cilat tajitin sekrecion. Nëse ata pezmatohen sekrecioni mblidhet dhe në kushte të tilla krijohen bakteret. Nëse “kalimet” mbahen të pastra, sinuset do të shërohen më shpejtë.
Rreth 14 për qind e njerëzve çdo vit kanë infeksion të sinuseve dhe mjekët kryesisht i shërojnë me antibiotikë. Megjithatë shkak i 90- 98 për qind të infeksioneve janë viruset që janë rezistentë në antibiotikë – pohon asociacioni amerikan për sëmundje infektive.
Ata paralajmërojnë që përdorimi i tepruar i antibiotikëve, veçanërisht në rastet kur ato nuk janë efikase, mund të çojë deri te krijimi i superbakterit i cili është rezistent ndaj këtyre ilaçeve.
“Nuk ekziston test i thjeshtë me të cilin mund të përcaktohet nëse infeksioni i sinuseve është virusal ose bakterial dhe prandaj shumë mjekë përshkruajnë antibiotikë për çdo rast”, thotë dr. Anthony Chow. “Megjithatë, është supozuar që infeksionet e sinuseve në masë të madhe janë virusale dhe që antibiotikët nuk mund t’i shërojnë, por përkundrazi, mund të bëjnë më shumë dëme se dobi.”
Rregullorja e re rekomandon që tek inflamacionet bakteriale të sinuseve antibiotikët konsumohen për një periudhë më të shkurtër kohore (5-7 ditë).
Ndihmë mund të japin edhe steroidet nazale te personat që kanë histori të alergjive. Këto steroide vijnë në formë të sprejit, pikave ose lëngjeve dhe ndihmojnë në lehtësimin e disa simptomave.
Kur është fjala për dekongjestantët, ata po ashtu rekomandohen për lehtësimin e simptomave, por edhe për preventivë që infeksionet virusale të mos shndërrohen në baktere. /Telegrafi/

(mare nga gazeta shekulli)
Çfarë po ndodh? Çdo herë që përdorim një antibiotic për të luftuar një infeksion, disa baktere arrijnë të mbijetojnë dhe shumohen duke u bërë më të fortë me kalimin e kohës. Herën tjetër do ta sulmojnë organizmin tonë dhe do të kenë një rezistencë më të fortë ndaj antibiotikut që i afrohet, i cili do të jetë më pak i efektshëm, për të mos thënë që do të jetë i paefektshëm.
Zgjidhja? Kërkuesit po mundohen që të gjejnë lloje të reja antibiotikësh të cilët mund t’i sulmojnë këto superbaktere, por, ndërkaq mamatë duhet që të ndjekin rregullat e arta për të mbrojtur fëmijët nga nevoja e të marrit antibiotikë gjithmonë e më të fuqishëm për të shëruar infeksionet, madje edhe ata më banalët.

3 rregullat që duhen ndjekur gjithmonë
1. Mos përdor antibiotikë në rastet e infeksioneve të shkaktuar nga viruset, si ftohja.
2. Mos përdor sasi më të vogla se ato të këshilluara nga mjeku
3. Mos e ndërprit kurën para shërimit të plotë apo para periudhës së përshkruar nga mjeku

E vërteta dhe gënjeshtra
Nuk është e vërtetë se antibiotikët e ulin temperaturën. Nuk kanë një efekt veçanërisht kundër temperaturës (si paracetamoli) por shkatërrojnë bakteret, të cilat, duke shkaktuar infeksionin, janë edhe përgjegjëse për rritjen e temperaturës së trupit.

Është e vërtetë se është më mirë që t’u japësh fëmijëve një antibiotic me “spektër të caktuar”. Po, sepse nënkupton që është krijuar për të luftuar bakterin përkatës. Duke zgjedhur një antibiotik me spektër të caktuar ke më pak mundësi të ulësh florën bakteriale të zorrëve (të përbërë nga mikroorganizma, edhe baktere, të nevojshme dhe që kanë një funksion mbrojtës) dhe ul rrezikun që bakteret të bëhen rezistente.

Është e vërtetë që gjatë një kure me antibiotikë duhet të marrësh produkte të qumështit. Gati të gjithë antibiotikët tentojnë të shkatërrojnë edhe bakteret e nevojshme, që janë pjesë e florës bakteriale të zorrëve dhe që mbrojnë mukozën e zorrëve. Mendohet (në të vërtetë nuk është plotësisht e sigurt) se produktet e qumështit (si kosi ose produkte të tjera) ndihmojnë në ruajtjen e ekuilibrit të florës bakteriale.

Nje përdorim i gabuar i antibiotikeve mund te provokoje probleme te ndryshme ne shendet . Ne kete rast behet fjale per rezistencen e virusit dhe baktereve ne shume antibiotike qepjen si pasoje te keqpërdorimit te ketyre te fundit. Per kete arsye Agjencia Italiane farmaceutike ne bashkëpunim me Institutin e larte te shëndetit kane realizuar disa linja per menyren e duhur te përdorimit te antibiotikeve. Shqetesimi eshte mbi te gjitha per disa semundje te konsideruara te vogla; ku antibiotiku mund te forcoje demtimin.
Synimi eshte ai qe te informojme te gjithe qytetaret per rrezikun e abuzimit te antibiotikeve. Perdorimi korrekt parashikon nje përdorimin nenkontrollin e mjekut, vetem kur eshte e nevojshme.
Nese keni dhimbje fyti ose dyshoni per nje infeksion , duhet gjithmonë përpara te shkoni te beni nje vizite tek specialisti dhe kurre nuk duhet te improvizoni vet.
Perdorimi i tepruar i antibiotikeve , shkatërron mbrojtjet natyrale te organizmit, duke dobësuar dhe duke i bere me te lehte kalimin e viruseve dhe baktereve me te forta.

Abuzimi i antibiotikeve favorizon obezitetin, kjo eshte shpalluar nga nje kerkim i Langone Medical Center i universitetit te Nju Jorkut, i cili ka studiuar efektet afatgjata te ketyre medikamenteve ne stomak, ne zorre, dhe ne nivelin hormonal.

“Zbulimi nuk eshte nje risi, shprehet Attilio Speciani, specilaist ne alergji dhe ne imunologji klinike. Prej shume vitesh tashme fermeret shtojne antibiotiket ne doza te uleta ne ushqimin e kafsheve, pikerisht per t'i shendoshur ato. Te njejtin efekt ka dhe tek qeniet humane”.

Origjina e shtimit ne peshe eshte kapaciteti i antibiotikeve per te rritur rezistencen e insulines ne organizem, nje fenomen qe jo vetem rrit rrezikun e obezitetit, por mund te provokoje me kalimin e kohes shfaqjen e diabetit, kancerit, semundjeve kardiovaskulare, alergjite dhe depresionin.

Por cilat jane limitet e perdorimit te ketyre medikamnteve? “Te rriturit nuk duhet t’i marrin per me shume se 50 dite cdo vit. Por shumica, i nenshtrohen trajtimit me antibiotike para dhe pas nderhyrjeve dentare, te tjeret perdorin keto ilace kunder akneve, dhe i marrin cdo dite per muaj me rradhe. Eshte shume e thjeshte per te kapercyer kufinjte”.

Tek femijet, shton Speciani, duhet te perdoren vetem kur eshte absolutisht e nevojshme: Tendenca eshte te merret qe ne temperaturen e pare, apo dhimjet e fytit, te duhura per te qene te “sigurt”.
Nese infeksioni eshte viral, antibiotiket jane te padobishem. Gjithashtu u konstatua qe infeksione te ndryshme si per shembull otitis media, kane nje kohe te sherimit spontan te barabarte me ate te nje kure antibiotike.“Disa studime, nder te tjera, tregojne se abuzimi i ketyre medikamenteve ne femijerine e hershme mund te shkatojne nga gjashte vite e me tej, nje perdispozite te forte per alergji”, shpjegon mjeku dhe arrin ne perfundimin se: ”Nje integrim i thjeshte i vitaminave dhe mineraleve eshte tashme percaktuese per te ulur rastet e infeksioneve tek femijet, ne te kundert perdorimi i vazhdueshem i antibiotikeve ne moshe parashkollore dobeson sistemin imunitar”.

Me pak fjale, ne qofte se antibiotiket kane revolucionarizuar mjeksine ne 70-te vitet e fundit, duke i bere lehtesisht te sherueshme semundjet vdekjeprurese, sot eshte e nevojshme te besh nje hap prapa, edukimin e perdorimit te tyre te pandergjegjshem dhe duke reflektuar mbi efektet e tyre afat gjate.
“Eshte treguar qe keto medikamente, nderhyjne ne oragnizem ne menyre te zgjatur, e dobesojne dhe me kalimin e kohes e bejne me te prekshem. Pervec kesaj, si pasoje e abuzimit te tyre, po zhvillohen ne te gjithe boten baktere rezistente ndaj antibiotikeve. Vetem ne Shtetet e Bashkuara, cdo vit, keto superbaktere, shkaktojne vdekjen e 80.000 njerezve.

Antibiotiket jane te gjithe njesoj dhe ne te njejten menyre te demshem?
“Sigurisht qe ekzistojne dallime te medha, ne llojin e baktereve te prekur, ne organet e perfshira, ne efektet me skandence te gjate”, shprehet Speciani.

“Disa antibiotike jane me te forte, dhe shkaktojne menjehere pamjen e kerpudhave, te tjerat kane efekte anesore me te buta. Megjithate rregulli vlen per te gjithe: Beni nje perdorim korrekt. Duhet te mesojme te vleresojme kapacitetin mbrojtes te trupit tone dhe per te njohur shenjat e reagimit te semundjes, duke i dhene kohe, kur eshte e mundur per ta mposhtur me forcat e veta”.