Që kur mazhoranca dhe opozita i janë rikthyer bashkëpunimit parlamentar dhe po miratojnë me konsensus ligje të rëndësishme, që kërkojnë shumicë të cilësuar, Komisioni Europian ka nisur të japë edhe sinjalet e duhura pozitive për të ardhmen europiane të Shqipërisë.

Mesazhi u be i qarte nga zyrtari i larte i Komisionit Europian, Stefano Sannino, i cili mori në dorëzim nga kryeministri Sali Berisha, Planin e Veprimit, i hartuar për herë të parë në bashkëpunim me opozitën.

Ky plan, qe i dergohet Komisionit Europian eshte konkretizim i vullnetit te mazhorances dhe opozites per hapat qe do te ndermarrin me reformat, qe i duhen vendit per integrimin europian dhe kohen kur do t’i ndërmarrin keto hapa të domosdoshem


për përmbushjen e 12 kushteve, per marrjen e statusit te vendit kandidat.

“Komisioni Europian, por edhe Bashkimi Europian mirëpret frymen e re konstruktive të bashkëpunimit, ndërmjet të gjitha forcave politike në mënyre që të çojne perpara axhenden europiane. Dua te theksoj se suksesi ne zbatimin e kesaj axhende eshte nje sukses per te gjithe dhe jo nje sukses vetem per nje pale politike", tha Sannino.

"Duke patur parasysh rolin e qeverise, nuk mund te jete tjeter veçse nje proces gjitheperfshires. Pra pavaresisht kush eshte ne pushtet, me promovimin e ketij procesi, te gjitha forcat politike behen bashkeaksionere, ne projektin me madhor te kombit dhe vendit te tyre. Ne kete kontekst, kjo fryme gjithnje e me shume po mbizoteron sot në Shqipëri", tha kryeministri Berisha.

Kryeministri Berisha dhe drejtori Saninno vleresuan, se po behet pune serioze nga të dyja palët për përmbushjen e disa kushteve që kërkojnë konsensus si Reforma Zgjedhore apo ligji për Gjykatën Administrative. Por ajo që ka mbetur pezull eshte kufizimi i imuniteteve. Nje marreveshje mes paleve, Brukseli do ta mirepriste si nje hap themelor ne luften kunder korrupsionit dhe kryeministri Berisha siguroi se qeveria eshte e gatshme per kompromis.

"Do te pranojme ate forme qe opozita e quan me te pershtatshme, per heqjen e imuniteteve ne Shqiperi. Zbatohet dhe nje marrëveshje qe Shqiperia ka qe ne vitin 2004 me Keshillin e Europes. Të behemi një vend pa imunitete lidhur me korrupsionin dhe krimin e zakonshëm", tha Berisha.

"Ne do te mireprisnim si nje hap shume te rendesishem kufizimin e imunitetit, sipas modaliteteve qe partite politike do te bien dakord", tha Sannino.

Duke theksuar se Brukseli vlereson te nje rendesie jetike shnderrimin ne axhende kombetare te Planit Europian te Veprimit, zoti Saninno kerkoi angazhimin e vazhdueshem te te gjitha paleve ne kete proces.

"Ne kete perpjekje ne jemi partnere dhe ndajme te njejtin objektiv, qe eshte sjellja e Shqiperise ne Bashkimin Europian dhe te gjithe se bashku, duke bashkuar forcat, jam i sigurt se mund t’ia dalim mbane", theksoi Sannino.

“Integrimi çështje e të gjithëve”

Gjatë mbledhjes së Komisionit të Integrimit zhvilluar me dyer të mbyllura Drejtori i Zgjerimit në Komisonin Europian, Sanino ka theksuar se axhenda europiane është një axhendë kombëtare dhe angazhimet për integrimin i merr rrjedhimisht sic ka theksuar ai e gjithë shoqëria.

Ndaj sipas Saninos ky proces kërkon mbështetjen e të gjithë faktorëve. Për drejtorin e zgjerimit Sanino objektivat e përbashkëta janë të qarta, ndaj ai ka kërkuar ecjen përpara të reformës elektorale, procedurave standarte të parlamentit dhe realizimi i legjislacionit për integrimin Europian.

Ai ka theksuar më tej në komision se kur vjen fjala tek 12 prioritetet janë një sërë veprimesh afatshkurtëra që duhen ndërmarrë dhe për këtë është punuar bashkarisht në mënyrë që të fitohet sa më shumë kohë.

Zoti Sanino e ka vënë theksin mbi të gjitha tek fakti se kjo nuk është një cështje thjesht e qeverisë apo e opozitës, por ka të bëjë me të gjitha forcat politike në tërësi.