Më 1 Mars, Google do të aktivizojë politikën e re, të modifikuar, të privatësisë, e cila do të ndikojë në të dhënat që deri tani Google ka mbledhur mbi përdoruesit para datës 1 Mars si dhe të dhënat që do të mbledhë në të ardhmen.

Deri tani, historia që Google kishte mbi lundrimin e përdoruesve në Web (kërkimet në Google dhe faqet e vizituara) ishin të distancuara nga produktet e tjera të tij. Kjo mbrojtje/procedurë ishte e rëndësishme sepse të dhënat e kërkimit mund të zbulonin informata veçanërisht të ndjeshme për përdoruesit, duke përfshirë fakte në lidhje me vendndodhjen tuaj, interesat, moshës, orientimit seksual, besimin fetar, shqetësimet shëndetësore, dhe shumë informacione të tjera.

Nëse dëshironi që Google të mbajë distancë nga historia juaj në Web (me të dhënat që kanë mbledhur rreth jush) dhe të mos e lejoni atë ti kombinojë këto informacione me produktet e tyre të tjera, si YouTube apo Google Plus, mund ta evitoni këtë duke hequr të gjithë artikujt nga historia juaj në Web dhe ti mohoni Google që të ruajë në të ardhmen historinë tuaj të lundrimit.

Mund ta bëni në këtë mënyrë:
1. Logohuni në llogarinë tuaj të Google.


2. Vizitoni https://google.com/history


3. Klikoni tek opsioni “remove all Web History.”


4. Klikoni “ok.”


Fshirja e Historisë tuaj në Web, që Google regjistronte më parë, e ndalon atë gjithashtu nga regjistrimi i mëtejshëm i saj. Historia e Lundrimit mbetet e ç’aktivizuar derisa ju ta aktivizoni sërish atë.

Duhet patur parasysh se nëse keni disa llogari në Google, do ju duhet të ndiqni hapat e mësipërm për secilën nga këto llogari.