Nuk e di se sa keni dëgjuar për fjalën metroseksual, që i bie të jetë një mashkull që e mban veten. Ndërsa në vendin tonë dhe në hapësirën shqiptare, ky lloj mashkulli po keqkuptohet.Në reality-shoun më të ndjekur shqiptar ‘Big Brother Albania 5’, hyrja e disa djemve simpatikë dhe që e kurojnë natyrshëm veten e tyre ka sjellë disa paragjykime, madje deri në epitetin “gay”. Por, çfarë mendojmë për këta meshkuj të cilët e mbajnë veten dhe damkën e paragjykimit që po marrin ata, disa prej emrave të njohur të shou-bizit shqiptar?Valer Kolnikaj, top-model“Gjithkujt i pëlqen të ndihet mirë me veten, si ai që e mban veten, që vishet me trend, që depilohet etj. Po ashtu, edhe ai që nuk i bën asnjërën nga këto (se ashtu ndihet mirë edhe ky). Është çështje shijeje e dëshire dhe nuk ka asgjë të keqe për aq kohë sa nuk e cenon shijen, apo dëshirën e tjetrit. Në momentin që dikush bezdiset vetë pa arsye dhe paragjykon, atëherë ky person “KA PROBLEME ME VETEN”. Për sa i takon epitetit “gay”, është thjesht çështje e të mospasurit njohuri mbi këtë term, pasi s’dua ta përdor termin “INJORANCE”. Ky paragjykim thuhet nga persona që mund të ndihen inferiorë, që kanë probleme me veten.
Albana Osmani, prezantuese“Aspak nuk i paragjykoj! Madje, janë të preferuarit e mi. Një mashkull që e mban veten ose heteroseksual është mashkulli që unë e dalloj midis gjithë të tjerëve. E gjithë aparenca e tij e kuruar do të thotë respekt për veten e tij. Dhe për partneren e tij. Nuk duhen ngatërruar gjërat, sepse është djalë që e mban veten, domosdoshmërish duhet të jetë “gay”. Jo aspak! Unë kam shokë heteroseksual dhe homoseksual, secili ka bërë zgjedhjen e tij. Jemi njerëz dhe në komunitetin e madh të gjitha llojet duhet të bashkëjetojnë. Pastaj, është 2012 akoma me paragykime?!”Çiljeta Xhilaga, këngëtare
“Unë personalisht nuk kam asnjë lloj paragjykimi ndaj meshkujve të tillë, qoftë ata që e mbajnë veten, qoftë ata “gay”. Madje, unë i admiroj meshkujt që i japin rëndësi pamjes së tyre, kjo thjesht nga injoranca e njerëzve, ose atyre personave që janë inferiorë, që nuk kanë arritur asgjë në jetë dhe paragjykojnë se vetëm ajo u mbetet”.Berkan Ahmeti, këngëtar“Kur unë më së shumti kam qenë me femra, sidomos atëherë kur me një dukje interesante në videon time “Kriza”, më kanë quajtur kështu, madje vetëm gocat janë më shumë ato që thonë se këngëtarët që bëjnë styling, janë të tillë duke i quajtur “gay”. Në fakt, janë vajzat ato që na thonë kështu kot e kot, dhe janë pikërisht femrat që e duan këngëtaren e huaj, që në të vërtetë janë ‘gay’. Megjithëse tani po ruhemi më shumë dhe nuk vëmë më grim, për këtë arsye. Por, me të mira dhe të këqija, përsëri po kërkohemi dhe po duhemi nga gocat (qesh). Ndërsa dua të jua kujtoj se buzët nuk i kam silikon, hahaha”.Vjollca Llapashtica, stiliste“Ai person që gjykon është karakter i dobët. Nëse e dimë, moda ka filluar me veshjet e meshkujve. Tani ka kohë që moda është përqendruar më shumë te femrat, dhe për këtë meshkujt që e njekin modën po quhen “gay”. Një mashkull që e mban veten, për mua ka karakter dhe do të duket bukur jashtë dhe brenda. Thuhet gjithmonë që ai që ka frikë sulmon i pari, dhe është absurde ky fenomen në vendin tonë”./MAKSIM GJOKAJ/KOSOVA SOT/
Shteti
Mosha
24/2/2023, 00:58 nga Kledja