Ata që e kanë rrahjen e zemrës të lartë (rreth80 rrahje për minutë) janë tri herë më të ekspozuar ndaj obezitetit dhe dy herë më të rrezikuar ndaj diabetit, se personat me rrahje normale të zemrës (60 deri në 80 rrahje në minutë).
Disa mënyra të lehta për të ulur rrahjen e zemrës janë ushtrimet e rregullta, konsumi i ushqimeve që janë të dobishme për zemrën si p.sh. bajamet apo boronicat.
Gjithashtu, një ndër shkaktarët kryesorë të rrahjes së shpejtë të zemrës është edhe stresi.

Sipas një lajmi të botuar në Mayo Clinic mesatarja e rrahjeve të
zemrës në minutë për një njeri është 60-100 rrahje. Specialistët
shpjegojnë se shpejtësia e ulur e rrahjeve të zemrës tek një njeri i
shëndetshëm tregon për një funksionim jo të mirë të saj.Duke
ditur shpejtësinë e rrahjeve të zemrës mund të informoheni rreth
shëndetit të zemrës suaj dhe të parandaloni sëmundjet e mundshme. Nën
shpejtësinë e ulur apo të ngritur të rrahjeve të zemrës mund të fshihet
një problem. Prandaj nëse rrahjet e zemrës suaj janë nën 60 apo mbi 100
duhet të shkoni menjëherë tek doktori.
Për të matur rrahjet e zemrës mjafton të kontrolloni pulsin. Mbajeni
dorën të hapur ndërsa dy gishtat e dorës tjetër veçanërisht gishtin e
madh të dorës vendosini mbi kyç. Ose mund të vendosni tre gishtërinjtë
tek qafa , nga ana e tubit të frymëmarrjes. Kur ta ndjeni pulsin
numëroni rrahjet e zemrës për 10 sek.

Ndërsa kryeni këta praktika mos harroni që faktorët e mëposhtëm
ndikojnë tek rrahjet e zemrës: niveli i aktivitetit, shkalla e
ushtrimeve, temperatura e mjedisit, mënyra e qëndrimit (p.sh qëndrimi në
këmbë apo shtrirë), ndjenjat, emocionet, gjerësia e trupit, përdorimi i
ilaçeve te ndryshme. /Telegrafi/