Stuhitë e dëborës janë shndërruar në një furtunë të vërtetë politike në Parlament, kur Partia Socialiste akuzoi kryeministrin Sali Berisha se nuk po kryente detyrën e tij për të informuar Parlamentin rreth gjendjes në vend.

Pas ndërprerjes së seancës nga kryetarja e Kuvendit me argumentin, se opozita nuk kishte dorëzuar asnjë kërkesë të tillë në Parlament, seanca rinisi me të njëjtën çështje, por natyrisht me dy qëndrime krejt të kundërta politike. Njëra palë akuzoi qeverinë për mosefikasitet, tjetra akuzoi opozitën për përpjekje të përsëritura për përfitime politike nga situata e fatkeqësisë natyrore.

"Në kushtet kur qeveria po refuzon të pranojë përmasën shumë të gjerë të krizës, në kushtet kur ngjarjet

PS ngre në Kuvend problemin e emergjencës. Jozefina ndërpret seancën: Jeni jashtë rendit të ditës! Kjo është shumica e votave të vjedhura.Kush vjedh votat s'ka në rend të ditës problemet e njerëzve që ua merr votën edhe po s'ja dhanë.

Edi Rama
Reagimi ne Twitter e dy ditëve të fundit dëshmojnë mungesë dramatike të një plani ndërhyrjeje funksional, konkret, efikas, duke refuzuar çdo lloj përfitimi politik nga kjo lloj situate dhe duke instistuar në mënyrë të përsëritur në ofrimin e bashkëpunimit tonë, si forcë politike përkundrejt qeverisë për një ndërhyrje konkrete në terren, ne kemi menduar t'i paraqesim juve si Kuvend, por edhe kryeministrit të vendit këtë plan konkret masash", tha deputeti socialist Braçe.

Ndërsa kreu i grupit të PD-së, Astrit Patozi tha: "E vetmja vlerë e preznatimit të këtij plani në Kuvend është që të vonojë ministrat dhe deputetët e mazhorancës për të qenë pranë banorëve në zonat e bllokuara".

"Kuvendi i Shqipërisë nuk miraton plane, kanë qenë kongreset e Partisë së Punës ato që e bënin këtë. Më gjeni një vend në rajon apo në Europë, ku shefi i opozitës përpiqet të përfitojë nga metrat e dëborës dhe nga uljet e temperaturave që kanë pllakosur pa mëshirë të gjithë kontinentin. Njerëzit nuk ndihmohen as në Twitter dhe as në Facebook", tha Patozi.

Plani i opozites prej 10 pikash kërkon ndërhyrje emergjente që nga zhbllokimi i rrugëve deri tek furnizimi me ushqime per tre muaj dhe rikrijimin e një fondi të posaçëm ne buxhet për emergjencat dhe jo shpenzimin e parave per komunitetet fetare.

"Alokimi i fondevene drejtime te tjera, siç dihen me vendim qeverie, për komunitetet fetare, madje në një shumë dy herë më të lartë se sa fondi i alokuar për hapjen e rrugëve rurale, nga ana e qeevrisë është thelbësisht i papranueshëm. Po e shfrytëzoj këtë moment për t'i bërë thirrje imzot Selim Mucës, imzot Rrok Mirditës, imzot Janullatosit që ato para që qeveria ju vuri në dispozicion t'i kalojnë menjëherë në ndihmë të atyre banorëve që sot gjenden në një emergjencë tragjike", tha Braçe.

Demokratët i bënë thirrje opozitës te mos perpiqen per te krijuar shtetin paralel, por me veprime konkrete, bashke me qeverine te ndihmojnë banoret e izoluar jo me fjalë, por me vepra, duke hequr dorë, nga ajo që e quajtën 'politika e hijenave'.

"Çfarë opozite është kjo që ngre një shtab të vetin, madje edhe parashikimin e motit e ka të ndryshëm, a thua se qeveria, pushteti lokal, ushtria, Policia e Shtetit dhe agjencitë e tjera janë të një shteti armik. Po kjo mazhorancë ka një gjë që mund të parashikojë me saktësinë më të madhe atë që Partia Socialiste do të sillet njësoj, sa herë që Shqipëria të bjerë në fatkeqësi natyrore përsa kohë që do të ketë Edi Ramën në krye, ndaj edhe duhet të lusim Zotin që atij të mos i plotësohen dëshirat e kobshme dhe nga ana tjetër ta falë opozitën që nën pushtetin e tij nuk di se çfarë bën", tha Patozi.