Një kërkues nga Singapori përdori kripë gjelle për të rritur kapacitetin e hard diskut të kompjuterit 6 herë më shumë.
Siç dihet, kripa e gjellës ndihmon në ruajtjen e ushqimeve, u jep shije dhe përdoret gjatë dimrit në rrugët e ngrira nga akulli dhe bora, që të mos rrëshqasin këmbësorët dhe makinat. Por tashmë mesa duket, ka ardhur ora që të shtohet edhe një përdorim tjetër i kripës, ai i rritjes së kapacitetit të hard disqeve.
Në Singapor, kërkuesit zbuluan se kripa përmban “pluhurin magjik”, me përdorimin e të cilit do të arshivojmë në kompjuter 6 fishin e materialeve që ruanim deri më sot. Sipas Wired.co.uk, Joel Yang pranë Institutit të Kërkimeve dhe Teknologjisë Materiale IMRE, përdor klorur natriumi, pra kripën që mbajmë në kuzhinë, dhe arrin kapacitetin e shtuar nga 1.9 terabits për inç katror në 3.3 terabits për inç katror.
Hard disqet janë të ndërtuar nga disqe magnetikë dhe janë të mbuluar nga kokrriza nanoskopike. Këto kokrriza me diametër 7 nanometër janë të vendosura në mënyrë të rastësishme në disk dhe të ndara nga 10 në grupe. Çdo grup ruan një pjesë të informacionit. Metoda e re e Yang duket se është shumë më efektive. Ai përdor kokrriza pak më të mëdha, me diametër 10 nanometra, të cilat janë në gjendje të ruajnë më shumë informacion. Gjithashtu, me metodën e re, pozicionimi i tyre nuk është i rastësishëm, por ndjek një motiv të caktuar.
Me qëllim që eksperimenti i tij të kishte sukses, ai përdori kripën, e cila kur vendoset për “gatimin” e kokrrizave, mund t’i zvogëlojë 4.5 nanometra, pa qenë nevoja të ndryshojë materialet.
Një përfaqësues i IMRE përdori një krahasim, që eksperimenti të bëhet më i kuptueshëm. “Është njësoj me procedurën që ndjekim kur përgatitemi për të bërë një udhëtim. Sa më e rregullt të jetë valixhja jonë, aq më shumë rroba mund të marrim me vete”, tha ai.

Burimi : albobserver nga : JOANA DIAMANTI

mos do ta bejm dhe turshi

boe pilaf me mire

pc i imi nuk e ka hard diskun heheh

Fitor shkruajti:pc i imi nuk e ka hard diskun heheh

po veji nje