Ka disa fotografi që teksa i shikon, je i sigurt se janë pjesë e imagjinatës, të nxjerra nga programi i njohur i përpunimit të fotografive, Photoshop.

Jetojmë në kohën kur me disa klik në kompjuter, çdokush mund të ndryshojë çdo fotografi, duke e bërë që ngjarja apo pamja të duket 100% e vërtetë. Pothuaj të gjitha fotografitë në revistat e modës janë përpunuar, duke bërë që modelet të duken akoma edhe më të bukura, më elegante, më seksi…

Por më poshtë, po ju paraqesim disa fotografi të cilat edhe pse duket sikur janë përpunuar, janë në fakt krejt origjinale. Thjesht fotografi kishte fatin të ndodhej në momentin e duhur në vendin e duhur për të bërë shkrepjen.

Pra, fotot e mëposhtme, edhe pse duken si montazh dhe krejt të çuditshme, janë mëse të vërteta.

10

Hidro-biologu Trey Snow, bashkë me ekipin e tij kishin filluar kërkimet rreth sjelljeve të peshkaqenëve të bardhë, të cilët notonin në afërsi të bregut. Një moment, teksa ishte në një varkë, u afrua një peshkaqen. Fotografi i natyrës së egër, Thomas Peschak që ndodhej aty në një varkë tjetër, arriti ta fotografonte, duke e kthyer atë çast në të pavdekshëm.

9

Në këtë fotografi retro, vajza ka hipur mbi një aligator dhe… po e nget! Edhe pse nuk dihet se nga ka ardhur kjo fotografi, nuk është dyshuar asnjëherë për origjinalitetin e saj.

8.

Ishulli në formë zemre që ndodhet në Kroaci, u bë shumë i njohur falë Google Earth. Ishulli quhet Galesnjak, edhe pse shumë e quajnë “Ishulli i Dashurisë”, pasi është kthyer në destinacion të shumë çifteve të dashuruar, që duan ta vizitojnë, edhe pse është ishull privat.

7.

Ky qen i racës sheepdog, që herë duket si dele, herë si rreckat që lajmë sheshin, po hidhet gjatë një gare për qen me pengesa, që u zhvillua në Dortmund.

6.

Një nga toreadorët më të famshëm, Julio Aparicio u plagos rëndë në vitin 2010, kur një nga brirët e një demi i hyri në qafë dhe i doli nga goja, siç e shikoni edhe në foto. Demi i vra menjëherë nga toreadorët e tjerë, ndërsa Aparicio, edhe pse ishte në gjendje shumë të rëndë, arriti të mbijetonte falë operacioneve kirurgjikale.

5.

Vajza të vogla që do të jenë balerinat e ardhshme kërcejnë në sinkronizim të plotë. Fotografia është shkrepur gjatë një hedhjeje dhe ato të gjitha i kanë këmbët të shkëputura nga toka.

4.

Fotografi po fotografonte modelen e tij në momentin kur hidhej sipër krevatit. A nuk duket sikur po fluturon?

3.

Ky ishull i vogël shkëmbor gjendet në liqenin Huron në SHBA.

2

Cathie Jung i adhuronte veshjet e periudhës Viktoriane dhe u përpoq që të zvogëlonte sa më shumë të ishte e mundur mesin e saj. Vetëm duke përdorur korsenë dhe pa ndërhyrje të tjera, ajo arriti që perimetrin e mesit ka kishte 38 centimetra dhe të hyjë në rekordet Guinness!

1.

Stafi i serisë të National Geographic “How Hard Can it Be?” (Sa e vështirë mund të jetë?), i frymëzuar nga filmi “UP”, ndërtoi një shtëpi të vogël, 16 metra katrorë dhe, duke përdorur 300 tullumbace të fryrë me helium, arriti që ta ngrinte shtëpinë në ajër! Nuk është montazh, por fotografi e vërtetë!