Përbersit:

* 10 vezë
Për brumë:
* 200 gr miell
*280 gr sheqer
* 2 limonë

Për krem:
* 250 gr sheqer pluhur
* 250 gr gjalpë
* 40 gr miell
* 250 ml qumësht

Për kremin e dytë:
* 90 gr sheqer
* 100 gr bajame
* 1 lugë niseshte
* 150 ml qumësht

Përgatitja:

Thyejmë 7 vezë dhe i ndajmë të bardhat nga të verdhat. Të bardhat i hedhim në enën për përzierje dhe i rrahim me mikser. Shtojmë 280 gr sheqer pluhur dhe i rrahim me mikser, derisa të fitojmë një krem pana të fortë. Pastaj, në enë i shtojmë të verdhat. I shtrydhim limonët dhe lëngun e hedhim në enë.

Përziejmë me lugë dhe gradualisht shtojmë 200 gr miell. Përziejmë, derisa të bashkohet masa. Kallëpin e lyejmë me gjalpë dhe në të e derdhim brumin për tortë. Kallëpin e vëmë në furrë.

Pjekim 30 minuta, në temperaturë prej 200 gradë.

Fillojmë me përgatitjen e kremit. Në enën me 40 gr miell, gradualisht hedhim 100 ml qumësht, duke përzier me tel kuzhine. Qumështin e mbetur e hedhim në tenxhere në zjarr. Duke përzier me tel, në tenxhere e shtojmë miellin e zbutur. Pasi kremi e fiton dendësinë e duhur, e heqim tenxheren nga zjarri. E lëmë kremin të ftohet.

Në tenxhere tjetër në zjarr hedhim 90 gr sheqer. Ziejmë 150 ml qumësht. Duke e përzier sheqerin me lugë, në tenxheren me sheqerin e karamelizuar e shtojmë qumështin e valuar.
Thyejmë 3 vezë dhe i ndajmë të bardhat nga të verdhat. Të verdhat i hedhim në enën për përzierje dhe i rrahim me mikser. Shtojmë 100 gr sheqer, gradualisht e shtojmë niseshten dhe i rrahim, derisa të bashkohet masa.

Tenxheren me sheqerin e djegur dhe qumështin e heqim nga zjarri dhe e shtojmë në të masën me të verdhat e vezës dhe niseshtenë e rrahim me mikser, derisa të fitojmë një masë homogjene. Tenxheren e kthejmë në zjarr dhe, duke përzier me lugë, e ziejmë për një kohë të shkurtër. E lëmë kremin të ftohet.

Pandispanjën e pjekur e heqim nga kallëpi dhe e presim në 3 copë të njëjta. Gjalpin dhe 250 gr sheqer pluhur i rrahim me mikser. E shtojmë kremin me qumësht dhe e rrahim me mikser, derisa të bashkohet masa. Nga kremi vëmë në copën e parë të pandispanjës. E vëmë copën e dytë të pandispanjës dhe e lyejmë me krem. E vëmë copën e tretë të pandispanjës. E lyejmë tërë tortën me krem.

Në tenxheren me kremin me sheqer të djegur i shtojmë bajamet e thërrmuara. Edhe këtë krem e hedhim sipër tortës. Në skajet e tortës solemne hedhim çokollatë të grirë.

Si të përgatitet tortë me mjaltë
Nevojiten:
gjysmë margarine,
1 gotë e ujit sheqer,
2 vezë,
1 lugë e sheqerit sodë bikarbon,
1 lugë e çajit cimet (kanellë),
2 lugë të gjellës mjaltë.

Kremi:
500 ml.qumësht 6-7 lugë miell, 1 sheqer vanillë, gjysmë margarine 4-5 lugë sheqer.

Përgatitja:
Margarina shkrihet shtohet sheqeri vezët e rrahura, soda bikarbonike, cimeti dhe mjalti. I përzien mirë dhe me këtë material e ulë brumin nuk e trashë shumë. Brumin e ndanë në 3-4 kuleq, tepsine e kthen përmbys dhe mbi të e tëhollon njërën petë i jep formë rrumbullake ose katrore e pjek në temeraturë mesatare. Kështu vepron edhe me petët tjera, i len të ftohen dhe i lyen me kremin e përgatitur.

Përgatitja e kremit:
Qumshtin e ftohtë e përzien me 6-7 lugë miell (ose nisheste)dhe me 4-5 lugë sheqer e zien mbi shporet në zjarr të ngadalshëm duke e përzier vazhdimisht( që të mos ngjitet). Pasi të jetë trashur e heqim nga zjarri dhe i shtojmë gjysmë margarine, 1 vanillë sheqer e përziejmë deri të shkrihet margarina dhe me ketë masë i lyejmë petët.
{Vërejtje:Torta duhet të qëndrojë tërë natën në mënyrë që të zbuten petët po ashtu nuk bën t'i qesim më shumë se një lugë cimet sepse forcohen shumë petët.}