Miliona vjet më parë, para se të popullonte tokën rraca njerëzore ekzistonin Dinosaurët. Dinosaurët ishin një nga shumë llojet e reptilëve prehistorikë,të cilët jetuan në periudhën Mesozoike, ”Epoka e Reptilëve”.

Dinosaurët e dominuan tokën për gati 165 milion vjet, por në mënyrë misterioze u zhdukën 65 milion vjet më parë. Paleontologët studiuan fosilet e tyre të mbetura për të mësuar më shumë rreth botës së mrekullueshme prehistorike të Dinosaurve.

Dinosaurët ishin reptilë të cilët ecnin pingul. Struktura e tyre unike bën që krahët të jenë të ngjitur me trupin dhe jo të jenë të shtrira (si reptilët e tjerë). Kur dinosaurët evoluan nga arkosaurët primitivë ato u bënë bipedale (ecnin me dy këmbë).

Më vonë,disa grupe dinosaurësh u kthyen në 4 këmbësh. Këmbët e tyre të pasme ishin më të mëdha se të parmet. Ka pasur shumë lloje të ndryshëm dinosaurësh që kanë jetuar në epoka të ndryshme. Disa ishin gjigandë të tjerët të vegjël.

Disa ecnin me dy këmbë, disa me katër.
Disa ishin të shpejtë, ndërsa të tjerët të ngadaltë.
Disa mishngrënës e disa barngrënës.
Disa kanë pasur armurë të praruar (argjendi) ; disa kanë pasur lëkurë të trashë,me gropa,disa kanë pasur brirë,madje disa të tjerë kanë pasur pupla primitive.

Askush nuk e di se çfarë ngjyre apo forme kanë pasur,çfarë tingulli nxirrnin,si silleshin,si çiftëzoheshin,apo si të dallosh një fosile dinosauri në ka qenë mashkull apo femër.

Dinosaurët,papritur,rreth 65 milion vjet më parë u zhdukën,në fund të periudhës Crataceus e cila ishte një periudhë me aktivitete të larta vullkanike dhe tektonike.

Ka shumë teori rreth zhdukjes së tyre.Teoria më e pranueshme ishte shkaku i përplasjes së një asteroidi,i cili shkaktoi ndryshime të mëdha klimatike me të cilat dinosaurët nuk mund të përshtateshin dot.Gjithçka e mbetur nga to janë fosilet.

Megjithëse fosilet e dinosaurve janë njohur që nga viti 1818,termi dinosaur (deinos=tmerrues ; sauros=hardhucë) u krijua nga anatomisti britanik Richard Owen në 1842.

Vetëm tre dinosaurë njiheshin në atë periudhë: Megalosaurus, Iguanodon dhe Hylaeosaurus të cilët ishin dinosaurë gjigandë.

Janë rreth 330 specie të përshkruara dinosaurish deri tani dhe ky numër sa po vjen e po rritet. Po kurrë më parë nuk janë bërë të ditur emrat e këtyre specieve por në këtë libër ju keni mundësi të gjeni gjithçka ashtu si dhe emrat e 330 specieve të dinosaurve të pa publikuar më parë në ndonjë libër tjetër.