Era diellore, e cila ka një shpejtësi prej një milion kilometrash në orë, e që ndër të tjera formon një flluskë mbrojtëse për sistemin tonë diellor, heliosferën, është kaq e dobët sa kurrë ndonjëherë më parë që nga fillimi i epokës së fluturimeve në hapësirën kozmike. Është regjistruar një rënie prej 20% e cila vërteton atë që aktiviteti diellor ndodhet në një fazë prehjeje që po vazhdon jashtëzakonisht gjatë.

Dielli rrezaton tërë kohës një rrymë të ngarkuar grimcash. Kjo jo vetëm që qëndron në një bashkëveprim me atmosferën e planetëve por përcakton gjithashtu edhe kufirin midis sistemit diellor dhe hapësirës ndëryjore. Kufiri, i cili quhet "heliopause", shënon fushën në të cilën era diellore nuk është më aq e fortë sa të zmbrapsë erërat e diejve të tjerë.

Dielli kryen cikle aktiviteti të madh dhe të vogël. Tash për tash ai ndodhet në një cikël aktiviteti minimal, i cili po zgjat më tepër nga sa mendohej.