Një pikturë e realizuar që në vitet 80’ mund të ketë qenë një parashikim i ngjarjes tragjike të 11 shtatorit në Shtetet e Bashkuara të Amerikës. Në foto paraqiten dy kulla që janë identike me kullat binjake që shtriheshin në Manhatan dhe një fytyrë vajze e tronditur. Brenda fotos paraqitet edhe një avion dhe gjithçka është e përfshirë nga një spirale që ngjan me zjarrin dhe tymin që përfshiu Nju Jorkun në 11 shtator. Piktori vdiq më 27 nëntor të vitit të kaluar në moshën 78 vjeçare dhe tanimë është e pamundur për të kuptuar nga i ka ardhur inspirimi për të realizuar këtë pikturë.
lajmifundit.com

NJU JORK- Tmerri i 11 shtatorit është fokusuar në një pikturë 13 vite para tragjedisë që tronditi mbarë botën.

Vizatimi me shkumës, i dy avionëve me pasagjerë, gradacelave, flakët dhe një fëmijë i frikësuar, është bërë publik dje, një ditë para ceremonisë përkujtimore të 10 vjetorit të sulmit terrorist.

“Profeti” është një artist amator britanik, Willie Garder, dhe vepra që prej 1988 qëndronte e varur në një nga zyrat e qendrës së komunitetit skocez

“Është trishtuese kur mendon se ajo që u vizatua 13 vite më parë u bë realitet i tmerrshëm”- tregon Alie, vajza 53 vjecare e piktorit.

Fotoja e ekspozuar në hollin e njësisë së arsimit të komunitetit të Grangemouth në Stirlingshire, ka ngjallur ndjesinë e tjetër “paralajmërimi” .

“Kujtoj se qëndroja e shikoja vizatimin duke menduar se cfarë po përpiqej të tregonte. Ishte tërheqëse por në të njëjtën kohë e çuditshme. Tani që njerëzit e shikojnë mendojnë se mos piktura është bërë në kujtim të 11 shtatorit.”- Vazhdon rrëfimin vajza e piktorit, i cili një vit pas vdekjes (2010) u bë i famshëm me pikturën që në internet po bën xhiron e botës.
(s.g/BalkanWeb)