Ndoshta ju ka ndodhur ndonjëherë që të jeni duke shikuar diçka dhe papritmas keni prekur miun ose tastierën dhe procesi në kompjuter është ndalur. Mbase edhe keni lënë ndonjë fëmijë të vogël duke shikuar ndonjë film dhe ai padashje ka ndalur filmin.

Kjo do të mund të quhej si një problem shqetësues. Nëse dëshironi që këto të mos ju ndodhin më, softueri keyfreeze mund të ju hyjë në punë.
Ky softuer ka madhësinë 500KB dhe mjaft lehtë mund të instalohet. Ky instalim kryhet vetëm me një klikim dhe pasi të lëshohet softueri, ai mund të bllokojë prekjen e sustave të tastierës dhe të miut, kështu që, nëse është duke rrjedhur ndonjë proces në kompjuter dhe nuk keni dëshirë që të ndalet ky proces, atëherë ky proces do të vazhdojë të funksionojë, edhe pse ju keni ndaluar funksionimin e sustave (me përjashtim të tri sustave që do t’i përmendi në vijim).

Tri sustat që do të mund të ndalonin bllokimin e këtillë janë Ctrl+Alt+Delete. Pasi që janë jo edhe aq afër njëra tjetrës, mundësia që padashje t’i preknit këto tri susta është e vogël.