20 vjet nga zbulimi i të parit planet jashtë sistemit diellor, astronomët që punojnë me të dhënat e Kepler kanë pikasur ekzoplanetin më të ngjashëm me Tokën, që është zbbuluar deri më sot: një bota ndoshta shkëmbore, që vjen në orbitë përreth një ylli të ngjashëm me Diellin, që quhet Kepler 452.

Një zbulim shkencor me vlerë të madhe, që megjithatë ka lënë të zhgënjyer shumë prej atyre, që për shkak edhe të tam-tam-eve mediatike të djeshëm, prpisnin ndonjë zbulim të pamundur, e që do i linte gojëhapur.

Ekzoplaneti në fjalë, Kepler 452-b është 60% më i madh se sa Toka dhe rrotullohet në orbitë përreth një ylli, në një distancë të krahasueshme me atë që ndan Tokën nga Dielli. Ylli, që ndodhet në Yjësinë e Mjelmës, është pak më i shndritshëm se sa Dielli (10% më i shndritshëm dhe vetëm 4% më i madh), gjë që e bën planetin e ri kandidatin më të mirë për të qenë binjaku i Tokës.

Kepler 452b është i pari që konfirmohet si planet, mes 12 kandidatëve “të fortë” të identifikuar nga Kepler, që ka vëzhguar variacionet e ndriçimit periodik të yjeve.




FUNDI QE NA PRET. Kepler 454b është pesë herë më i madh se sa Toka dhe vjen në orbitë përreth yllit të tij çdo 385 ditë (një shifër që të kujton kohëzgjatjen en jë viti tokësor). Ylli i tij është afro 1.5 miliardë vite më i madh se sa Dielli, dhe Kepler 452b ka pak a shumë të njëjtën moshë: pra mund të ofrojë një ide për fatin e ardhshëm të Tokës.




A ESHTE DIKUSH? Ylli i tij po bëhet gjithnjë e më i shndritshëm dhe i nxehtë: kushdo që ndoshta jeton në atë planet, me shumë gjasë do të jetë duke parë botën e tij teksa thahet dhe vdes. Lajmërimi i NASA-s ka ardhur pikërisht në 20-vjetorin e zbulimit të planetit të parë përtej sistemit tonë diellor. 11 planetët e tjerë “kandidatë” kanë të gjithë një diametër të paktën dy herë më të madh se sa Toka.