Tiranë- Bazuar në daljet nga kufiri shqiptar prokuroria ka dyshime të forta se aktualisht ndodhën në siri 31 fëmijë. Disa prej fëmijëve kanë mbetur vetëm me të ëmën, kurse mosha më e vogël e një të mituri të marrë nga prindërit e që ndodhet aktualisht në Siri është një vajzë 6-muajshe nga fshati Gurras i Pogradecit.

Nga Shqipëria është konfirmuar se janë larguar drejt Sirisë për të luftuar 86 shtetas shqiptarë. Prokuroria e Krimeve të Rënda për 13 prej tyre ka provuar edhe nga sistemi TIMS se kanë marrë me vete drejt luftës bashkëshortët dhe fëmijët.

Vajza 6-muajshe rezulton të ketë dalë në fundt të tetorit 2013, së bashku me nënën e të atin Krenar Shulin, si edhe me të motrën dhe të vëllanë edhe këta të mitur.

Fëmijët e Diamant Rashës pas vrasjes së tij ata janë vetëm më të ëmen. Edhe katër fëmijët e Hamit Muslisë, i njohur si Ebu Enesi, i cili është vrarë apo edhe dy fëmijët e imamit Genci Balla.

Raportohet që me fëmijët të jenë larguar në Siri edhe Hasan Korvafaj i vrarë, fëmijët e Bledian Hamzës i njohur si Ebu Samed i zhdukur, fëmijët e shtetasit Erion Basha, pesë fëmijët e Mehmet Stafasanit i njohur si Ebu Esejd Albani, fëmijët e Shkëlzen Dumanit që është i shpallur në kërkim dhe fëmijët e Almir Dacit i njohur si Ebu Belikse.

Mësohet se prokurorët e krimeve të rënda aktualisht po vijojnë hetimet duke pyetur familjarë të të gjithë personave që ndodhen në Siri, disa prej të cilëve janë shfaqur të pakënaqur e kanë akuzuar të arrestuarit.

Të tjerë shprehen se nuk e dinin që të afermit i kanë në luftë, por se janë të punësuar në Turqi apo Arabinë Saudite.

Një burim i tha ‚Top Channel’ se javën e ardhshme pritet të merren në pyetje disa nga personat që janë kthyer nga lufta në Siri, prej të cilëve 12 prej tyre janë të plagosur.