Ju shkëputen bisedat me celular? Ja pse!

Shkencëtarët kanë gjetur arsyen e shkëputjes së bisedave telefonike celulare herë pas here.

Në vend që të fajësojnë rrjetet telefonike, ata e shohin problemin tjetërkund, shumë larg, sipas shkencëtarëve, bisedat telefonike shkëputen për shkak të fuqisë së madhe të prodhuar nga stuhitë diellore në sipërfaqen e diellit.

Stuhitë, shpërthime të gazit të nxehtë, prodhojnë valë me një fuqi shokuese që përhapen në hapësirë me shpejtësi miliona milje në orë. Sipas rezultateve të një studimi të përbashkët nga Kolegji “Trinity” Dublin, Universiteti “College” Londër dhe Universiteti i Havait, energjia i detyron elektronet të krijojnë radiovalë që arrijnë atmosferën e Tokës dhe shkëpusin sistemet tokësore të komunikimit pothuajse çdo ditë.