Shteti
Mosha
Kina ka prezantuar sot një mjet që do ecë në sipërfaqen e Hënës, gjë që përbën një hap të madh përpara për programin ambicioz të saj në hapësirë. NOA i referohet agjencisë dailymail.co.uk, e cila shkruan se Kina është vendi i tretë në botë pas SHBA dhe Rusisë që do të nisë një hulumtim në hënë me anë të pajisjes së quajtur “Lepurushi Xhad”, emër i marrë ky nga mitologjia vendase. Ora e lëshimit të pajisjes ka qenë 01:30 me orën lokale. Misioni është pjesë e një projekti, sipas të cilit Kina shpreson të ndërtojë një bazë të përhershme hënore, në mënyrë që të mundësojë nisur misionet e ardhshme në Mars brenda 15 viteve të ardhshme. Pajisja, e cila mund të ngjitet deri në 30 gradë dhe të udhëtojnë deri në 200 metra në orë , ka si shënjestër një krater të madh vullkanik, i njohur me emrin Iridum. “Lepurushi Xhad” do të mbërrijë atje në 14 dhjetor. Shpikja kineze është projektuar për të ecur në sipërfaqen hënore për të paktën 90 ditë tokësore-3 ditë hënore, duke mbuluar një sipërfaqe prej rreth pesë kilometra katrorë. Pajisja do të bëjë të mundur fotografimin e imazheve të rezolucionit të lartë të shkëmbinjve, në një zonë të sheshtë, të formuar nga bazalti i shkrirë, që kanë çliruar vullkanet hënore disa miliardë vjet më parë . Udhëtimi i dhe ulja e saj përfundimtare, do të monitorohet nga afër nga Agjencia Hapësinore Evropiane ( ESA ), e cila është duke bashkëpunuar ngushtë me Kinën. Emri i trupit hapësinor është zgjedhur pas një sondazhi në internet , në të cilën morën pjesë miliona kinezë. Ouyang Ziyuan , kreu i projektit në fjalë, u shpreh se sipas besimeve të lashta kineze, shenjat e errëta në sipërfaqen e hënës ishin pallate, pemë si dhe shihnin figurën e një lepuri. Nga besimet e lashta vjen dhe emri i “Lepurushit Xhad”. /f.b/
24/2/2023, 00:58 nga Kledja