Arif Molliqi, poezi nga libri “Premiera e një pranvere”



Arif Molliqi, poezi nga libri “Premiera e një pranvere”,
botoi, Rilindja, Prishtinë, 2000


KOHË E SOSUR

Në Tiranë

Të kafe „Nikolino“
apo te „Titaniku“
ballë për ball hotel „Dajtit“
apo Hotel „ Rognerit“
as nuk shiten sharrëxhinjtë
as nuk shitën argatët e punës...
Aty për ditë pjellin
ushtarë politikanë qeveritarë,
ministra sa ha dreqi
Aty
qajnë e qeshin prostitutat

Atdhetarë mos kërkoni
se ata gjenden në Shalë të Bajgorës
të „ Rrasa e Kosharës“, në Çiçavicë...
ata gjenden në Dukagjin e Drenicë

Në „Dajt“ e „Rogner“
mund të gjesh specialitete
alla italiane
alla greke...
atdhetare mos kërkoni

(Tiranë 17.04.99)

EPSHI I DASHNORËVE

Aty prapa pallatit të kulturës
në fund të rrugës së kongreseve
jo larg ministrisë se jashtme
diku të çerdhja e fëmijëve
dy bunkerë akull
puthen mes veti

Te këmbët e dashnorëve
një qen pshurret

Ndodh të ketë mjegull
tym nga djegia e mbeturinave
dhe nuk dallohet
krimi
ndëshkimi
epshi i dashnorëve

(Tiranë, 20.04.1999)

Mbrojtje nga ujqit

Mosha ime
akuarel i zhveshur
pikturë e varur nëpër dimra
ngjyrë e zbehtë në legjendë

Kur flas me gjuhën time
në maje të majës së botës
hungërijnë ujqit

O flasë me ujqit ndryshe
o do ma shqyejnë lëkurën
llava në acarin e dimrit

PJELLËKEQE MOJ

Bien më poshtë se trupi
xhuxhmaxhuxhi
kur ai tretet në histori

Në ekstazën e dashurisë
lesh dreqi lënur me kërhanë
t´ia thurë Ko(m)bit litarin

Pas divorcit me vetveten
shet rrugët çatitë këngët
fantazma fqinjësie

KOHË E SOSUR

Ballë për ballë me dritaren time
në livadhin e gurishtës
rriten shelgjet arrat e kulumriat
aty kthehen shpezët shtegtare
na zgjojnë nga gjumi dimëror
Në premierën e kësaj pranvere
në mollën sherbete
folenë e ndërtoi qukapiku
gjithë ditën fëmijët e shikuan
me sqep i binte kohës së sosur
qëllonte këtë fund shekull
edhe në mot të mirë
edhe në motin e ligë

Arif Molliqi, lindi në vitin 1953, është shkrimtar shqiptar nga Kosova, i lindur në Llukë të Epërme afër Deçanit.

Me shkrime ka filluar nga viti i fundit të gjimnazit ( kohë kur
filloi të botoi), edhe pse ka shkruar më herët. Në fillim nuk e
ngacmonte aq shumë poezia, andaj filloi më humor dhe satirë, n´atë kohë
nuk preferohei shumë satira, andaj për ti ikur „keqkuptimeve“ filloj të
shkruaj edhe poezi.

Satiren e shkroi krejt padiktueshëm tek gazeta humoristike „ Thumb,
duke botuar me pseudonime të ndryshme si; Boksh Baruti, Topuz Bërryli,
Prenk Sherri etjera. Gjatë vitit 1977/78 bashkëpunoi në gazeten e
studenteve „Bota e re“ ne faqen e kulturës, e sidomos në satirë dhe
humor.Këtë bëri edhe më Radio televizionin e Prishtinës, shkroj disa
pjesë humoristike që i dha televizioni.

Edhe në „Rilindje“ botoi shumë shkrime saterike gjersa një ditë, të
shqetësuar miqët e tij e rekomandojnë; herë për herë ta le satirën sepse
ishte gjini letrare e „vështirë“ për kohën. Pas kësaj „këshille“,
Molliqi e vazhdoi me intenzivisht me poezi,prozë dhe dramaturgji. Eshtë
shpërblye disa herë me vendin e parë dhe të dytë në konkurset letrare
për poezi.
Veprat


Gjer tani Arif Molliqi ka botuar:

1. “Simfoni për darkën e qenve”, poezi, Prishtinë, 1994
   
2. “Në udhëkryq pa zhurmë”, (poezi), Toena, Tiranë, 1996
   
3. “Loja e Sarkofagut”, (dramë), Eurorilindja, Tiranë, 1998,
   
4. “Psherëtima e zareve”, (poezi), Panteoni, Tiranë, 1999
   
5. ”Përplasje” (skica dhe mbresa), Fakti, Shkup, 2000
   
6. "Premiera e një pranvere”, (poezi), Rilindja, Prishtinë, 200
   
7. “Kafka e ujkut”, (roman), Toena, Tiranë, 2001
   
8. ”Dëshmorët jetojnë pas vdekjes”, (monografi), Prizren,2002
   
9. “Shënime nga arkiva e qytetit D.”, (roman), Faik Konica, Prishtinë, 2003
   
10. “Pelegrinazh i ftohtë në qytetin D.” (poezi) Faik Konica, Prishtinë, 2004
    
11. “ Loja e dytë e Sarkofagut”, (dramë) Rozafa, Prishtinë (Kjo dramë
    është marrë për botim nga konkursi letrar i shpallur nga Ministria për
    Kulturë e Kosovës, për vitin 2003/2004, në mesin e shumë dorëshkrimeve
    në konkurs)
    
12. “Portret i pambaruar”, (poezi) Faik Konica, Prishtinë, 2006
    
13. “Klubi Shqiptar Verrat e Llukës“ në Hamburg“, (monografi), klubi, 2007.
    
14. "Gruaja e vizatuar nudo", roman, Faik Konica, Prishtinë, 2008.
    

Antologji


Arif Molliqi, është prezentuar edhe në këto libra dhe antologji:

1. Halil Haxhosaj: “Premtime letrare, shkrime kritike, Prishtinë,2006
   
2. Shefqet Dibrani: “Libri dhe mbresa”, kritikë letrare, Zvicer 2005,
   
3. Chelaru Marius, Baki Ymer dhe Luan Topçiu “Antologji e poezisë
   shqipe”, në gjuhen rumune, një antologji më disa poetë nga Shqipëria,
   Kosova dhe Maqedonia, Valman, Rumani, 2006
   

Nga Jochan Blanke
i janë përkthye në gjuhen gjermani disa cikle me poezi dhe është
prezentuar nga një forum gjerman në një mbremje poetike në Hamburg më
2007.