Pse duhet t’i trembemi dhe jo afrimit te 21 dhjetorit 2012!

Data e famshme 21-12-2012, për të cilën aq shumë është folur, po afrohet dalëngadalë. E aq më tepër shtohet kurioziteti: Po ç’do të ndodhë vërtet më 21 dhjetor 2012? Disa thonë se bota do të marrë fund për shkak të katastrofave të mëdha ambientale e sidomos sepse gjithçka është e parashikuar sipas një kalendari, por ata që jetojnë në tokën ku e gjithë kjo nisi, në territorin e fisit Maya, nuk duket se e mendojnë kështu. Chichen Itzà është vendi, ku gjithçka filloi për studimin sa më të detajuar të botës misterioze të Mayave. Njerëzit që aktualisht jetojnë në Chichen Itzà ruajnë edhe sot historitë e brezave të tyre të kaluar, mirëpo aty është zbuluar se nuk duhet se përshkruhet skenari apokaliptik për të cilin kemi dëgjuar të flitet deri tani. Në të vërtetë, të moshuarit që jetojnë në atë vend e përshkruajnë fundin e kalendarit Maya si fundin e një epokë dhe nisjen e një epoke të re. Thjesht mbaron praktikisht një periudhë kalendarike, për të nisur një tjetër, ashtu siç ndodh edhe me kalendarin e shtëpisë tonë. Në fund të fundit pastaj, ende edhe sot nuk është e qartë sesi Mayat, që kanë jetuar rreth viteve 1500 para Krishtit, mund të kenë arritur të studiojnë yjet dhe Universin deri në detajet më të vogla. Edhe shkencëtarët e astronomëve nuk kanë asnjë dëshmi të besueshme mbi parashikimet e Mayas dhe ndonjë fenomen të veçantë që mund të ndodhë realisht. (Voyager)
Çfarë duhet t’i trembemi më 21 dhjetor
Në radhë të parë janë meteorët, të cilët e kanë marrë Tokën gjithmonë në "shënjestër", mirëpo goditjet e mëdha me pasoja shkatërruese llogariten tepër të rralla. Rrezik, gjithashtu, veç stuhive diellore që priten më të shpeshta pas vitit 2012, mund të përbëjë planeti Eris, me përmasa tepër të vogla, që në teori mund të rrezikojë Tokën me shkatërrim, mirëpo parashikohet të mbetet jashtë sistemit diellor dhe distanca e tij me planetin tonë është 4 miliard milje. Ndërkohë që është mohuar historia e një planeti të mbiquajtur Nibiru që thuhej se po i afrohej Tokës. Nga specialistët mësohet se kjo është thjesht një farsë e prodhuar nga interneti dhe nuk ka asnjë bazë faktike.
Reagimi më i fundit i NASA
Për të panumërtën herë, shkencëtarët amerikanë kanë hedhur poshtë një përmbysje të botës në fundjavën e parafundit të këtij viti. "Nuk do të ndodhë asgjë në Tokë më 21 dhjetor 2012. Planeti ynë ekziston prej miliarda vjetësh dhe shkencëtarët, në bazë të gjithë studimeve të bëra, nuk shikojnë asnjë rrezik që i kanoset planetit. Nuk parashikohet të ndodhë asnjë ndikim fatal në Tokë nga fenomenet që ndodhin mes planetëve - thotë NASA, në një reagim të fundit -. Fundi i botës ishte parashikuar fillimisht në vitin 2003, por asgjë nuk ndodhi, kështu që u zhvendos gjithçka në dhjetor 2012".

un po trembem per 21 dhjetorin qe vjen e jo per ket pasi ket e kalum si e kalum