Kjo del nga një simulim sekret i kryer nga Pentagoni gjatë muajve të fundit dhe që është publikuar nga “New York Times”
Në rast se Irani do të sulmohej nga Izreali, atëherë do të plaste një luftë e rangut botëror, që mund të përfshijë SHBA-në dhe të provokojë vdekjen e qindra amerikanëve, sipas asaj që bëjnë të ditur zyrtarët amerikanë. Kjo del nga një simulim sekret i kryer nga Pentagoni gjatë muajve të fundit dhe që është publikuar nga “New York Times”, duke cituar burime të administratës amerikane. Me pak fjalë, rezultatet e simulimit, siç shpjegojnë burimet, duhet të kenë ngjallur një shqetësim të madh mes autoriteteve amerikane. Mbi të gjitha shtë i shqetësuar gjenerali James N. Mattis, i cili komandon forcat amerikane në Lindjen e Mesme.

Gjithmonë sipas “New York Times”, rezultatet e këtyre simulimeve sekrete të udhëhequra nga forcat e armatosura amerikane, nuk janë të vetmet e mundshme. Por mbi të gjitha del se është thuajse e pamundur që SHBA të qëndrojë jashtë një konflikti, që do të ndizej prej një sulmi të Izraelit kundër impianteve bërthamore të Iranit. “New Times ka nënvizuar sesi frika e ngjallur nga këto simulime që janë pjesë e misionit "Internal Look", mund të ndezë një reagim më të vendosur nga ana e Shtëpisë së Bardhë, të Pentagonit dhe të Inteligjencës amerikane kundrejt Izraelit, autoritetet e të cilit janë paralajmëruar gjithmonë nga rreziqet e një vendimi unirateral kundrejt Teheranit. Vendim ky, që do të krijonte në mënyrë të pashmangshme një situatë rreziku edhe për SHBA-në. Sipas vlerësimeve amerikane, një sulm izraelian nuk mund të bënte më shumë sesa të ngadalësonte me një vit programin iranian, kurse përfshirja amerikane do ta ndalonte programin me dy vjet.

nrm qe po ehh luft luft veq luft qa bojn se mstresunn