Nga data 12 mars Konsullata e përgjithshme e Milanos ka vendosur që çdo shërbim konsullor të prenotohet paraprakisht.

Një lehtësim i madh për emigrantët e shumtë shqiptarë me banim në rajonin e Lombardisë, te cilet do te evitojne keshtu radhat e gjata ne dyert e konsullates. Por ky lehtesim paguhet dhe shtrenjtë. Numri per prenotimin e sherbimeve, perfshire edhe ate te aplikimit dhe te terheqjes se pasaportes biometrike eshte nje numer me pagese, rreth nje euro e gjysme minuti per nje maksimum prej 15 eurosh per telefonate. Pra ne rastin e pasaportave, çmimit prej 108 eurosh, i shtohet dhe nje kosto tjeter ne faturen e telefonit.

Konsullja e pergjithshme e Milanos Nausika Spahia, shpjegoi per Top Channel se ky sistem i ri ka lindur si nevoje e domosdoshme per manaxhimin e punes nga dyndja e qytetareve per aplikime per pasaporta e terheqje te tyre. Ajo specifikon se ne konsullate paraqiten mesatarisht 300-400 (deri ne 500) persona ne dite, gje qe nuk lejon nje sherbim dinjitoz dhe krijon jo pak problemin per stafin.

Zyrtarja specifikon se asnje qindarke nga kostoja e telefonates nuk hyn ne arken e konsullates, e vetmja qe po ndjek kete mekanizem prenotimesh me pagese dhe se shumica e emigranteve jane te kenaqur me sherbimin e ri.Nga nje konsultim i disa prej shoqatave te emigranteve ne Italia, na rezulton nje qendrim i ndryshem.

Shumica e konsiderojne si abuzim te metejshem ne kurriz te emigranteve, te cilet po gjendjen perpara kostove te medha si per dokumentat shqiptare, ashtu edhe per ato te lejeqendrimit ne Itali, qe sa vjen e po behen me te shtrenjta ne kete periudhe krize.
TCH