Përfundoi takimi i kryminstrit Papadhimos me liderët partiakë grekë pas 7 orësh e gjysmë bisedimesh. Takimi u mbajt për të vendosur masat anti-krizë të kërkuara nga trojka europiane.

Në takim u ra dakord për propozimet e trojkës, përveç çështjes së pensioneve.

Masat parashikojnë reduktim me 22 % të pagës minimale dhe ato të sektorit privat.

Gjithashtu masat parashikonin ulje me 15 % të pensioneve bazë, por ngërçi ishte tek pensionet suplementare, për të cilat nuk u pranua ulja. Sipas Papadhimos do të duhen të tjera bisedime për pensionet suplementare.

Masat parashikojnë privatizmin e disa kompanive shtetërore dhe
Kriza greke
Greqi, bisedimet për kredinë, vazhdojnë protestat
Greqia, në euro apo jashtë?
BE: Euro mbijeton edhe pa Greqinë
mbylljen e disa të tjerave. Me mbylljen e këtyre kompanive, brenda këtij viti humbin punën rreth 15 mijë njerëz.

Sipas këtyre masave reduktohen me 1.1 miliardë euro shpenzimet në sektorin e shëndetësisë. Me nga 400 milion euro ulen shpenzimet për mbrojtjen, shpenzimet shtetërore dhe investimet.

Propozimet e trojkës europiane pritet të miratohen këtë fundjavë në parlamentin Helen.

Por megjithatë shumë deputetë kanë deklaruar se nuk mund t’i votojnë këto masa ekstreme. Masat e kërkuara nga trojka europiane janë në këmbim të ndihmës prej 130 miliardë eurosh.

Ndërkohë sot pasdite është lajmëruar një mbledhje e jashtëzakonshm e Minstrave të Financave të Eurozonës. Mbledhja u thirr nga kreu i Eurogrupit menjëherë pas përfundimit të takimit të Athinës.