Komisioni i Disiplinës dha masat ndëshkimore pas incidenteve që ndodhën në ndeshjen e Kupës mes Skënderbeut dhe Flamurtarit.
Komisioni vendosi që ekipi i Skënderbeut të luajë 8 ndeshje jashtë stadiumit të tij, për hedhje të sendeve në fushë. Po ashtu u vendos 2 ndeshje pezullim dhe 100 mijë lekë gjobë për Lorenc Hysin, zevendestrajnerin e Skënderbeut.
Komisioni i Disiplinës refuzoi kërkesën e Flamurtarit për marrjen 3 pikëve në tavolinë, pasi sipas tij, kërkesa nuk bazohet në rregullore. Komisioni vendosi që Flamurtarit t'i hiqen 3 pikë në Kupën e Shqipërisë për refuzim të vazhdimit të ndeshjes, ndërsa zyrtari i Flamurtarit, Geri Çipi u dënua me 12 muaj pezullim me arsyen se nxiti braktisjen e ndeshjes.
Gjatë ndeshjes u plagos gjyqtari anësor
Gjate takimit te 31 janarit, u godit dhe gjakos gjyqtari anësor, Rigers Coka, pikërisht në momentin kur Skëndërbeu kaloi në avantazh e si për cudi, nga vetë tifozët korcarë, të vetëm në stadiumin e Pogradecit ku ishte spostuar kjo ndeshje.
Pas një mbledhje të shpejtë të gjyqtarëve, me delegatin Arsen Hoxha, ish-dizenjatori i gjyqtarëve, u vendos zëvendësimi i Cokës me gjyqtarin e katërt Taullau, ndërkohë që në bazë të rregullores, në një moment të tillë, mbyllet takimi menjëherë e vendoset të luhet për publik.
Pikërisht vendimi i zëvendësimit për një arsye të tillë të një prej gjyqtarëve konfirmon një gjë të tillë, ndërkohë në këtë rast nuk ndodhi kështu, duke regjistruar një tjetër incident në takimin mes Skënderbeut e Flamurtarit.
Ndërkohë sa i përket ndeshjes, gjithcka u zhvillua në mënyrë korrekte e spektakolare, duke filluar me golin e Veliut në minutën e dytë, për të vazhduar me golin e barazimit të Shkëmbit, ndërkohë që goli i dytë që tensionoi situatën pasi ka dyshime të forta për pozicion të parregullt të Bratic i cili ka penguar rrezen e portierit vlonjat.
Me rifillimin e lojës pas një ndërprerjeje prej 15 minutash, trajneri Muca i kerkoi skuadrës të heqin dorë nga loja e vetëm të qëndrojnë në fushë.
Shteti
Mosha
24/2/2023, 00:58 nga Kledja