Kim Kardashian edhe pse ka lindur një vajzë të shëndetshme fundjavën që lamë pas, episodi i fundit i Reality show-ut të saj tregon se asaj i duheshin shume ditë për të lindur.
Kimi nxitoi për në spital pasi i nisën dhimbje të forta në stomak në episodin e së dielës "Keeping Up With The Kardashians".

Kim ka lindur rreth 5 javë para datës së parashikuar për të lindur. 32-vjeçarja është shtruar në një spital në Beverly Hills ditën e premte.

Ajo kishte prenotuar një suitë lindjeje në qendrën mjekësore "Cedars-Sinai", një spital ku kanë sjellë në jetë foshnjat e tyre dhe vipa të tjerë si Britney Spears, Victoria Beckham dhe Jessica Simpson.

Disa orë më vonë, rreth orës 01:30 të shtunën ajo solli në jetë vajzën e saj.

Bëhet e ditur se reperi Kanye West dhe e ëma Kris Jenner i kanë qëndruar pranë Kimit.

Po kështu burimet bënë të ditur se Kim bëri një lindje natyrale pas kontraktimeve që pati ditën e premte.
Burimet bëjnë të ditur se si nëna, ashtu edhe fëmija gëzojnë shëndet të plotë, por pasi ka lindur para kohe, vogëlushja është futur në inkubator.

Ende nuk bëhen të ditura të dhëna të mëtejshme, ashtu sikundër ende mbetet surprizë emri i vogëlushes.

gjynah ;po si tlind fmij kjo kur 12 mujt e motit me bark jasht e skujdeset x vetten cme i bo ne ksaj