Adelina Emini, e cila së fundi ka realizuar këngën “Tipsy” në bashkëpunim me Genc Prelvukaj, gjatë një interviste për Telegrafi ka thënë se “fatmirësisht” zemra e saj nuk është “thyer” asnjëherë deri më tani.E di që nuk do ta besoni, por fatmirësisht deri më tani, nuk kanë arritur të ma thyejnë zemrën. Ndoshta, pse është vështirë të depërtosh tek ajo”, ka thënë Adelina.
E pyetur se çfarë mund ta bëjë një femër më të mençur në dashuri, dështimet apo fitoret, ajo ka thënë: “Kur njeriu mëson nga gabimet, atëherë i bie që në këtë rast edhe femra të bëhet më e mençur dhe më e fortë nga dështimet”.Këngëtarja ka pohuar se është një femër shumë e guximshme. “Jam mjaft e guximshme për diçka që vërtetë e dëshiroj, di edhe të rrezikoj duke i pasur parasysh edhe pasojat e rrezikut. Deri më tash, nuk kam ndonjë gjë që do të kisha lakmuar”, ka shtuar Adelina.

pa merak se do dali ndonjee