Është shqiptar, por është përzgjedhur mes mijëra grekëve për të ngritur flamurin grek si nxënësi më i mirë i shkollave në shtetin fqinj. Mario Dhelis është djaloshi shqiptar, i cili të dielën e datës 28 tetor ka ngritur flamurin grek në paradën e nxënësve më të mirë të shkollave në Greqi. Ai ka rezultuar nxënësi më i mirë i shkollës 6-vjeçare nr 10 të Athinës në lagjen “Agjio DHIMITRIO”.

I lindur nga dy prindër shqiptarë emigrantë në Greqi që prej vitit 1994, Foti dhe Alma Dhelis, Mario ka treguar se çdokush mund të ecë dhe të tregojë veten në rast se punon dhe përpiqet për të ecur dhe për t’u bërë shembull për të tjerët. Mario tregon se është ndjerë mjaft i emocionuar kur i kanë propozuar që të mbajë flamurin e Greqisë si nxënësi më i mirë. Por emocionet kanë qenë edhe më të mëdha kur shokët dhe mësuesit e kanë përgëzuar për këtë arritje të tij, duke i dhënë edhe më shumë mbështetje. Por ai nuk pranon kurrsesi qëndrimet se një fëmijë emigrantësh shqiptarë paragjykohet dhe nuk i jepet mundësia të arrijë rezultatet maksimale sipas meritës dhe përpjekjeve.


“Kur parakalova u ndjeva mjaft krenar. Është një nder tepër i madh të jesh flamurtar në këto festa. Grekët janë patriotë. Por dhe unë ndihem grek, pasi kam lindur dhe jam rritur këtu. Sigurisht Shqipërinë e njoh dhe prindërit i kam shqiptarë, e pranoj që kam gjak shqiptar, por unë ndihem grek”, thotë Mario. Nga ana tjetër edhe prindërit e tij, Foti dhe Alma ndihen tejet të emocionuar ndërsa janë përshëndetur nga miqtë e tyre, grekë dhe shqiptarë për arritjet e djalit të tyre. “Mario ka punuar shumë për arritjen e rezultateve dhe ne e kemi mbështetur në përpjekjet e tij. Sigurisht që në shkollë e dinë që ne jemi shqiptarë dhe e respektojnë këtë pjesë. Por kjo tregon lidhjet më të mira mes dy vendeve dhe integrimin e shqiptarëve në shtetin grek. Sa për Marion, ai është rritur me kulturën e këtij shteti, me arsimin e tij dhe miqtë që ka në këtë shtet, ndaj ai ndihet grek, por nuk ndihet keq që të tregojë edhe se prindërit i ka shqiptarë”. Vëllai i tij Fabioni, i cili është në prag të përfundimit të maturës, shprehet se Mario është i veçantë, “të bën për vete për çdo gjë si për zgjuarsi, ashtu edhe për shkathtësi. Ndaj edhe në rrethin e miqve dhe në shkollë nuk e shikojnë si shqiptar, por e shikojnë si shok”. (BALKANWEB)

o ja .......kina nanen biri i krv shkerdhataaa uuuuuu non presidente me mbo ni ket flamur se kisha ngrit kurr