Një baba flet për herë të parë për historinë e tij, dhe për ndjesinë e të jetuarit si pa fytyrë, ndërsa tregon se ka frikë për fatin e fëmijës së tij ende të palindur.

Mohammad Latif Khatana, 32 vjeç nga Kashmiri i Indisë nuk mund të shohë apo punojë për shkak të fytyrës së tij të tmerrshme të mbushur plot gunga.

“Pres me lumturi të bëhem baba por në të njëjtën kohë jam i shqetësuar se mos im bir bëhet si unë, nuk do e duroja dot të kishte jetën time”, shprehet Mohammad, citon noa.al.

Ai jeton me gruan e tij 25 vjeçaren Salima në Tuli Bana në Kashmir ndërsa udhëton 4 muaj në vit për të lypur për të siguruar para.

32 vjeçari lindi me një gungë të vogël në fytyrë, por me kalimin e viteve ajo u rrit dhe u bënë disa të tilla të cilat i mbuluan fytyrën dhe e bën të pamundur shikimin e tij.

Latif tregon se nëna e tij qan ende kur e shikon dhe pyet veten se çfarë mallkimi ka rënë mbi djalin e saj, ndërsa 3 vëllezërit dhe dy motrat e tij nuk kanë asnjë problem, ndërsa thotë se përveç vëllezërve dhe motrave të tij ka kaluar një fëmijëri shumë të vetmuar pasi askush nuk donte të luante me të.

Në vijim tregon se e humbi shikimin kur ishte vetëm 8 vjeç, ndërsa tregon se mundohet shumë për të mbajtur familjen e tij duke lypur edhe pse shpesh e poshtërojnë.

Në rrëfimin e tij flet për poshtërimet e pësuara se si njerëzit e kanë pështyrë dhe për vështirësinë e gjetjes së gruas, deri sa dëgjoi për Salimën.

“Gruaja ime ka vetëm një këmbë dhe për vite të tëra ka vuajtur për të gjetur burrë, dhe në momentin që u takuam kuptuam se ishim për njeri tjetrin, pasi ishim të paplotë. Tani ndihem më i plotësuar dhe gruaja ime është në muajin e shtatë të shtatzënisë por unë kam frikë se mos fëmija më ngjan mua, megjithëse po e pres me shumë emocione”, deklaron 32 vjeçari.

Ai tregon se nuk është mjekuar asnjëherë deri më tani për shkak të varfërisë dhe se një doktor i kishte thënë që të mos bënte fëmijë dhe për këtë arsye Mohammad është tepër i frikësuar.

8 vjet më parë vëllai i tij shiti një sipërfaqe të madhe toke për ta dërguar te një mjek, por edhe vizita nuk i dha rezultat.

Mjeku i tha se kjo situatë vinte për shkak të një eklipsi diellor kur nëna e tij kishte qenë shtatzënë dhe se çdo lloj operacioni do i rrezikonte jetën. /noa/

e tmerrshme sa gjynah per te gjorin me vjen shum keq qe perendia e paska ndeshkuar tgjorin ne ket menyreee