Fansat e Madonnës kërkojnë paratë

Nuk kanë të sosur polemikat lidhur me koncertin e Madonnës në Olympia të Parisit, i mbajtur më 26 korrik.

Madonan i justifikoi vërshëllimat dhe shishet e hedhura në skenë në përfundim të shfaqjes, si vepër të ndonjë njeriu të vetëm.

Gjithsesi disa fansa i kanë dërguar email kompanisë që organizoi eventin, Live Nation duke i kërkuar paratë e biletës, pasi në të kundërt do i drejtohen drejtësisë.

Në një email të përbashkët fansat kërkojnë që për biletën e tyre për të cilën kanë paguar mbi 270 euro, ajo tu rimbursohet, pasi në sallë ishin 2600 spektatorë.

Mbrëmjen e spektaklit Madonna u ngjit në skenë me dy orë vonesë, ndërsa këndoi 8 këngë u largua nga skena pa përshëndetur fare.

Në emailin e fansave thuhet se show i Madonnës nuk ishte në nivel, madje ishte zhgënjyes, ndonëse kishin paguar së paku 35 euro për të dëgjuar vetëm një këngë.

ehh madonna edhe kjo e tregoi fytyren e vertet se kush eshte