Siç deklaron vetë autori, kanadezi Gaston Lacombe, janë imazhe që të bëjnë të mendosh dhe duhen diskutuar mbi rolin e kopshteve zoologjike në gjithë shoqërinë njerëzore, e ndërgjegjshme për rrezikun e zhdukjes së qindra specieve nga faqja e dheut.

”Të gjithë i duam kafshët dhe të gjithë, jo vetëm fëmijët, adhurojnë të shkojnë në kopshtin zoologjik – thotë fotografi – por ajo dritë e vrarë, muret e gjelbërta dhe bimët plastike nuk respektojnë habitatin e tyre natyral”, thotë fotografi. tigri Herën e parë që fotografova një buf në majë të një kaktusi më dha përshtypjen e një vendi të pabanueshëm, si të jetonte brenda një dhome të trishtë, në një zyrë të privuar nga njerëzit dhe ngjyrat. Ka qenë ai moment kur ndjeva se duhet të dokumentoja këndvështrimin tim përmes aparatit fotografik, një lloj zileje alarmi për të ngritur një seri pyetjesh: Kopshtet zoologjike janë të rëndësishëm në formimin tonë, por me çfarë çmimi për kafshët? Çfarë mund të bëjmë për t’i bërë më të mirë? Nga viti 2009, Gaston Lacombe ka vizituar 21 kopshte zoologjike në nëntë vende të botës – nga SHBA në Sri Lanka, Filipine, në Itali, duke kapur momente apo lëvizje dhe vështrime të tigrave, arinjve, zogjve, krokodilëve etj. “Kam parë kopshte zoologjikë, që duket se përpiqen t’u ofrojnë kafshëve kushte jete të përshtatshme. Por ka të tjera që janë burgje të vërtetë dhe duhet të mbyllen menjëherë. “Edhe pse nuk është ky objektivi im, por ftesa për të marrë në konsideratë këto hapësira dhe arsyet për të cilat ato janë krijuar”.