Shteti
Mosha
Është kthyer thuajse në një incident diplomatik mes Italisë e Greqisë një shëtitje me barkë e senatorit Alberto Maritati. Senatori, i cili në ishullin grek Erikoussa ka një shtëpi ku shkon rregullisht për pushime, vendos të dalë në det me disa miq me barkën e tij, 12-metërshe që mban flamur italian. Mes 11 miqve, edhe një familje shqiptarësh që prej 20 vjetësh banon në ishullin grek dhe dy vajza shqiptare njëra me shtetësi italiane, tjetra studente në Universitetin e Salentos, të gjithë me dokumente të rregullta. Por që i kanë hapur telashe të mëdha.
Senatori tregon se në ujërat mes Sarandës dhe Korfuzit është e lehtë të ngatërrohesh e të hysh herë në ato shqiptare e herë të lundrosh në ato ndërkombëtare apo greke. Barka del në ujëra shqiptare dhe një vedetë e policisë kufitare të Sarandës kërkon të dijë pse nuk kanë ngritur flamurin shqiptar. “Ne u kërkuam ndjesë, ata na kontrolluan dokumentet, panë që ishte gjithçka në rregull, na i dorëzuan të vulosura bashkë me një flamur shqiptar (ne nuk kishim flamur shqiptar) dhe u duk se gjithçka mori fund aty. Por nga ai çast nisën problemet tona” - tregon senatori.
Me flamurin shqiptar të ngritur krahas atij italian i drejtohen ishullit Erikoussa, por me të hyrë në ujërat greke, ishte i menjëherëshëm kontrolli grek: “Na pyetën pse kishim flamurin shqiptar, u shpjeguam që jemi barkë italiane. Na kërkuan dokumentet e nga ai çast nisën të na trajtonin shumë keq. Na shpjeguan që duhet t’i ndiqnim në Korfuz, ndërsa njëri prej tyre simulonte gjestin e vënies së prangave. Dukej sikur kishim të bënim me një vend armik” - tregon senatori.
Me të mbërritur në Korfuz, Maritati nuk duron dot më e vë në lëvizje diplomacinë: ndërhyn një konsull dhe ambasadori italian në Greqi dhe incidenti mbyllet. Por senatorit i mbetet shija e hidhur: “Nuk arrij të kuptoj. Është herë e parë që më ndodh një gjë e tillë në 40 vjet që vij në Greqi”. Ottusi, oltraggiosi e provocatori, (të shurdhët, të egër dhe provokatorë) – thotë ai për grekët. (A.N.) //respublica//
24/2/2023, 00:58 nga Kledja