Një shkëmbim zjarri ka ndodhur mëngjesin e sotëm në kufirin shqiptaro–grek. Mësohet se ngjarja ka ndodhur konkretisht në vendin e quajtur “Hani i Delvinaqit”, në aksin Kakavijë-Janinë, ku një makinë me targa shqiptare ka hapur zjarr kundrejt policisë greke.
Drejtuesi i mjetit, i cili ishte shoqëruar me dy persona të tjerë, ka nxjerr armën tip Kallashnikov dhe ka goditur disa herë patrullën e policisë. Por fatëmirësisht, plumbat kanë kapur vetëm makinën e policisë pa shkaktuar të lënduar. Forca të shumta policie si ato greke dhe shqiptare janë vënë në ndjekje të autorëve, që dyshohet se transportonin drogë nga Shqipëria. Informaconet e deritanishme na bëjnë me dije se ata kanë braktisur makinën dhe kanë marrë sasinë e drogës dhe janë larguar në drejtim të paditur, ku dyshohet se mund të jenë futur sërish në territorin shqiptar. /albobserver/