Po bëhen dhjetë vite që kur Angola doli nga lufta civile.

Por vendi afrikan ka ecur me vrull përpara duke rindërtuar ekonominë, e cila pritet të rritet me 8 përqind këtë vit.

Sipas BBC, shkak për këtë rritje të jashtëzakonshme janë rezervat gjigande të naftës- tani Angola është prodhuesja e dytë më e madhe në Afrikë.

Rritja e shpejtë ekonomike ka sjellë një bum në infrastrukturë. Kryeqyteti Luanda po transformohet me shpejtësi nga kullat e reja prej xhami e çeliku. Më shumë qiellgërvishtëse dhe lokale luksoze po ndërtohen.

Por rritja në infrastrukturë nuk do të thotë vetëm godina e rrugë. Po ashtu do të thotë edhe përmirësim i rrjetit celular. Tani Angola do ketë shërbimin super të shpejtë 4G, falë një investimi prej 100 milion dollarësh. Kjo do të thotë që klientët në Luanda do ketë internet më të shpejtë se ata në Londër.

Operatori telefonik është Movicel, një nga më të mëdhenjtë në Afrikë.

Të gjitha pajisjet për përmirësimin e rrjetit të Movicel do vijnë nga Kina. “Të them të drejtën, niveli i shkollimit këtu është pak i ulët,” thotë Frenk Mei i kompanisë kineze ZTE.

Nuk ka dyshim se rritja ekonomike ka zhvilluar ndjeshëm disa lagje. Për shembull filiali i Porsche thotë se ka vështirësi në përmbushjen e kërkesave të shumta.

Por nuk duhet harruar se aty 70 përqind e njerëzve jetojnë në varfër të plotë. Prandaj lind pyetja se a do jetë 4G një sukses këtu?

“Ne po luajmë një lojë të së ardhmes,” thotë shefi ekzekutiv i Movicel, Yon Junior.

Fakti se 4G po vjen këtu më përpara se në shumicën e botës, do të thotë se kjo është një ekonomi super e karikuar, që sheh nga e ardhmja.