Akujt e Antarktidës janë "pushtuar" nga gjallesa “aliene”. Këtë kanë zbuluar shkencëtarët, pas shqyrtimeve të rrobave dhe çizmeve të turistëve, apo kërkuesve që kanë vizituar kontinentin dhe gjetën se shumica përmbanin fara bimore “të huaja”
Pra nuk është plotësisht e vërtetë se aty ka vetëm akull, që faktikisht përbën 90% të ishullit akullnajor. Ekzistojnë edhe zona, që kanë një klimë paksa më të butë, kryesisht në pjesën e tokës drejt Amerikës së Jugut. E pikërisht në atë zonë, siç paralajmërojnë shkencëtarët, po lind "biodiversiteti alien", në kuptimin që falë turistëve dhe qarkullimit, vijnë në këto zonë fara bimësh absolutisht të jashtme me ambientin autokton. Në këtë përfundim ka dalë një kërkim i shoqërive biologjike angleze, apo edhe të Universitetit të Afrikës së Jugut.
Mësohet se temperatura e gadishullit duhet të jetë ngritur edhe me 3 gradë gjatë gjysmë shekullit të fundit, shumë më tepër se mesatarja globale. Kështu, biodiversiteti i Antarktidës, është duke u pasuruar në mënyrë të papritur: veç muskeve dhe likereve, që janë krejt të zakonshme, ka edhe bimë e kafshë që vijnë nga hemisfera australe, apo edhe nga territore më në veri. “Kemi zbuluar se këpucët dhe cantat e njerëzve që kanë vizituar ato zona – ka shpjeguar Kevin Hughes i ‘British Antarctic Survey’ – janë një vend ideal ku ‘kapen’ farat, por i kemi gjetur pa probleme edhe në veshjet e tyre”. Kështu, rezulton se të paktën 70 mijë farëra të huaja mbërrijnë në Antarktidë çdo vit. Dhe shkencëtarët janë të shqetësuar nga atë që e kanë quajtur invazion “alien” dhe sugjerojnë se duhet të merren masa sa më shpejt, për të administruar në mënyrë të vendosur këto specie, që janë aty dhe të parandalohen ardhjet e të tjerave, me aq sa është e mundur.