Gjermani Baldau Renier, me profesion piktor, është 50 vjeç dhe ka një histori të trishtueshme, për të treguar. Kur ishte i vogël ka qenë viktimë e abuzimeve seksuale nga ana e një murgeshe. Ky rast është treguar nga gazeta gjermane “Bild”, duke hedhur dritë mbi abuzime deri tani të pazbuluara të Kishës. Renier në vitin 2010, më në fund gjeti kurajën për të denoncuar dhunën e pësuar, përmes një letre ku përshkruan se është rrahur si me peshqirë të lagur dhe me hekur rrobash, teksa i njëjti trajtim i është rezervuar edhe fëmijëve të tjerë. Pyetja që e shqetëson atë është vetëm një: “Si mund të ketë lidhje një sjellje e tillë me fenë?”.
Ferri për gjermanin nisi kur ishte vetëm 8 vjeç (zgjati 2 vjet), kur qëndroi në një kolegj katolik, pasi u dha në adoptim. Aty, murgesha Rafaela (emër i sajuar nga Bild) e detyronte një herë në javë që ta ndiqte në dhomën e saj, bashkë me fëmijë të tjerë. “Motra” shfaqej me këmishë nate, të cilës i kishte zbuluar pjesën e sipërme dhe detyronte djaloshin Badau t’i lëpinte gjoksin, teksa ajo i prekte pjesët intime. “Ndihesha i frikësuar, por edhe i pështirosur njëkohësisht”, ka komentuar Ranier, i cili ka marrë ndjesën e murgeshës drejtuese, si dhe një dëmshpërblim prej 13 mijë eurosh nga ana e Konferencës peshkopale gjermane për gjithçka të pësuar. Mirëpo murgesha Rafaela i ka mohuar gjithmonë faktet e treguara nga piktori.

as murgesh spo bahem se po mqujn manjake e sdu ket gjo x vetten