Shpallet projekti arkitekturor fitues, që do të zbatohet për ndërtimin e memorialit te Kllogjerit, që njihet si “Varreza monumentale, në përkujtim të 2960 shqiptarëve të Çamërisë”.

Kryetari jurisë, Artan Lame ka folur për rëndësinë e ndërtimit të këtij memoriali, përfshi kriteret në përzgjedhjen e fituesit.

"Ishte një surprizë e këndshme, qoftë numri i projekteve të paraqitura në nëntor. Përvecse se një vend prehjeje që kishte të bënte me dinjitetin tonë për t'i dhënë bashkëkombasve tanë, ai duhet të ishte një vend kujtese, përuljeje ndaj aktit të tyre", tha Lame.

Iniciatori i kësaj nisme Shpëtim Idrizi, kryetar i PDIU-së tha se

Ne sot ndihemi të çliruar që po bëhet një varrezë njerëzore, por edhe një pikë monumentale, ku ne do të shkojmë dhe do të bëjmë pelegrinazh do të respektojmë veprën e tyre

Shpetim Idrizi
Kryetar i PDIU ky konkurs ishte një risi nga pikëpamja profesionale, ku morën pjesë 8 studio projektimi, njëra prej tyre nga Kosova.

"Ne sot ndihemi të çliruar që po bëhet një varrezë njerëzore, por edhe një pikë monumentale, ku ne do të shkojmë dhe do të bëjmë pelegrinazh do të respektojmë veprën e tyre. Kemi diskutuar me qeverinë shqiptare për të financuar këtë projekt, por ne këtë projekt do ta financojmë edhe nga shqiptarët e Çamërisë dhe të Shqipërisë. Ky është një projekt i madh kombëtar dhe do të financojnë edhe biznesmenë nga Çamëria, Kosova, Maqedonia e Shqipëria. Kjo vepër e madhe shumë e bukur nga pikëpamja artistike është mirë të realizohet në 100-vjetorin e krijimit të shtetit shqiptar", tha Idrizi.

Zoti Idrizi ka anoncuar si fituesin e shpallur nga juria, që ishin arkitektet Ronida Myrtaj dhe Nexhmedin Musai. Zbatimi këtij projekti me vlerë mbi 1 milion euro pritet të zbatohet së shpejti në Kllogjer të Sarandës, ku ndodhen të varrosur shqiptarët e Çamërisë te debuar 70 vjet me pare nga Greqia.