Fillimisht, agjencia ndërkombëtare për kërkimin e kancerit kishte deklaruar se sipas disa studimeve, telefonët shkaktonin tumor në tru. Tani, vjen një studim danez që thotë se është i gjithi fals. Rastet e vendosura nën lenten shkencore thonë se probabiliteti për t’u sëmurur është i njëjtë, pavarësisht nëse përdoret, apo jo celulari.
Teksa në botë numërohen 5 miliardë celularë, një grup i “Cancer Society” të Kopenhagen, në bashkëpunim me Institutin e Epidemiologjisë së Tumoreve, ka realizuar atë që cilësohet si kërkimi më i madh i realizuar ndonjëherë mbi argumentin dhe që është publikuar në “British Medical Journal”.

Të dhënat e mbledhura nga një kampion prej 358.403 personash, të ndjekur për 18 vjet, kanë hedhur poshtë hipotezën se celulari shkakton tumor në tru, apo probleme në sistemin nervor. Si përfundim nuk janë gjetur prova të një rreziku të shtuar kanceri, teksa rezultatet e dala, shpesh janë edhe kondradiktore.
Megjithatë, studiuesit nuk e ndjejnë të thonë me siguri që s’mund të jetë i dëmshëm edhe për ata që e përdorin në mënyrë të tepruar. Gjithsesi, ky lajm qetëson paksa ata, të cilët janë të detyruar që për punë, ose për nevoja të tjera personale, të kenë gjithmonë celularin në vesh.