Ekspertët paralajmërojnë: Lufta e III Botërore do të zhvillohet në internet, ISIS mund të fitojë



Lufta e Tretë Botërore do të ketë si fushë beteje internetin – një luftë për të cilën militantët e Shtetit Islamik janë të gatshëm, ndërsa Perëndimi nuk është i përgatitur akoma. John McAfee, ekspert i sigurisë kibernetike, ka paralajmëruar se Shtetet e Bashkuara dhe Perëndimi janë përgatitur vetëm për luftën tradicionale, jo për luftën në internet. Ai pohon se “arsenali i plumbave, bombave, tankeve, anijeve, raketave dhe aftësitë tona bërthamore do të jenë të padobishëm në luftërat e ardhshme”.

Në një artikull të shkuar për International Business Times, McAfee shprehet: “Askush nuk mund të parashikojë të ardhmen. Ne mund të bëjmë supozime ose, me shumë kujdes, mund të shqyrtojmë mundësitë e ndryshme dhe skenarët. Por, për një skenar të luftës kibernetike ne jemi mjerisht të papërgatitur – madje edhe të pambrojtur.”

Ai shtoi: “Nëse nuk jemi në gjendje të mbrojmë rrjetet tona, gjithçka që lidhet me to mund të infiltrohet nga piratët kibernetikë. Në botën tonë moderne këtu përfshihen rrjeti i energjisë, i centraleve bërthamore, aeroplanët, makinat dhe e gjithë infrastruktura jonë financiare.”. Këto do të jenë armët me të cilat do të ndeshemi në luftën kibernetike.