Partia neonaziste e “Agimit të Artë” në Greqi, ka frikësuar jo vetëm një pjesë të madhe të politikës dhe popullit grek, por edhe të mbarë botës!
Ditët e fundit agjencia e lajmeve australiane me anë të emisionit të saj Dateline dhe në bashkëpunim me kolosin e mediave në rang botërorë SBS, i dedikuan një emision të posaçëm kësaj force naziste e cila po rritet dita-ditës me rimte të shpejta dhe alarmante.
Në analizimin e situatës dhe të shkaqeve që çuan dhe vijojnë të rrisin mbështetësit e kësaj force ekstremiste, specialistët dhe gazetari i njohur Evan Williams theksuan shqetësimin e tyre dhe devijimin që mund të marrë kjo forcë politike ekstremiste nga mungesa e përvojës dhe agresivitetit që ata kultivojnë duke u implikuar direkt në antisemitizëm, racizëm dh në vrasjet e dhjetëra emigrantëve muajt e fundit.
Nga ana tjetër, njëri nga deputete më të “rrezikshëm” të kësaj partie Panagiotaros, shprehet hapur se misioni i “Agimit të Artë” është të plotësoj boshllëqet e “duhura” për shkak të rrënimit të shtetit dhe të institucioneve të tij!

Ndërkohë i prononcuar në emisionin Dateline të gazetarit Evans Williams deputeti neonazist Ilias Panagiotaros u shpreh: “Partia e “Agimit të Artë”, aspiron të kthehet në Hezbullah, ashtu siç ajo funksionon në Liban. Duhet të kthehemi në qeveri të dytë, për në interes të “popullit” grek”.

QA DO THOT KJO MA SHPJEGO NESE NUK E KE BEZDI????