Ky është momenti kur Gjergj Ndreca i ka vënë flakën vetes, pasi ka hedhur benzinë në trup. Ish- të përndjekurit e tjerë në grevë urie janë mundur që ta shpëtojnë, por ai ka marrë flakë përnjëherë.

Pamjet ekskluzive të siguruara nga Tv A1 Report tregojnë qartë momentet kur ish i burgosuri politik Gjergj Ndreca del nga çadra, dhe largohet disa metra më tutje. Në dorë mbante një shishe me benzinë me të cilën lag rrobat. Në momentin kur po tenton të ndezë shkrepësen shokët e tij e kuptojnë dhe një polic tentojnë t’i vijnë në ndihmë për ta ndaluar. Ndërsa Ndreca bërtet: “Më vini shkrepësen”, shokët i kanë lidhur duart prapa. Në nga shokët e tij, Pal Shtjefni i ndodhur para Ndrecës, ndez çakmakun dhe rrobat e grevistit marrin flakë menjëherë. Në një moment shokët dhe polici largohen dhe më pas tentojnë ta shuajnë duke i hedhur ujë dhe mbuluar me batanike. Gjergj Ndreca është dërguar në spital në gjendje të fikëti. Sot është dita e 17-të e grevës së urisë.

GRUAJA E NDRECËS: BERISHA NA BRAKTISI, NUK IA FAL
Ora 11:00 Bashkëshortja e ish të përndjekurit politik, Gjergj Ndreca, i cili sot ndërmorri akti ekstrem të vetëflijimit, hodhi poshtë sulmet që media të caktuara po përpiqen ti bëjnë bashkëshortit të tij, ndërkohë tha gjendja e Ndrecës nuk ka qënë e mirë ditët e fundit.

“Mjekët thonë se është jashtë rrezikut për jetën, por nuk i dihet, e di Zoti. Ka marrë djegie në trup, në fytyrë. Nuk ma ha mendja të jetë kjo gjë, kam 21 vjet martuar dhe e di cka bërë Gjergj Ndreca për demokraci dhe unë kam qënë studente e ‘92, kam dëgjuar akuzat hanë apo nuk hanë bukë dhe është revoltuar. Është normale pasi Gjergji ka 3-4 maj nuk është në gjendje të mrië. Ka ankthe”,- deklaroi Ina NDreca, bashkëshrotja e Gjergj Ndrecës në një prononcim për NEWS24.

Gruaja nënvizon se bashkëshorti i tij që në vitet “90 lufton për demokracinë, ndërkohë i bëri thirrje qeverisë që të verë dorën në zemër për këtë shtresë të shoqërisë.
“Burri im që në ‘93 ka hyrë në grevë urie në kohën kur Berisha i nxorri me dhunë. Në ‘98 ka hyrë në grevë në Lac, për Sali Berishën për të rrëzuar Fatos Nanon. Kjo grevë nuk ësstë politike. Ai është demokrat dhe nuk do kthehet socialist. Unë jam nënë me 4 fëmijë pa shtëpi pa punë, por kjo nuk ishte zgjidhja e duhur, këtë nuk ja fal.Qeveria shqiptare të vërë dorë për këta njerëz, se janë pa bukë, dhe nuk kanë mundësi të shkollohen”, deklaroi e përlotur bashkëshortja e Gjergj Ndrecës.