Limaj u prit si një hero nga bashkëvendësit, të cilët u shprehën të lumtur, duke thënë se më në fund u vendos drejtësia për deputetin Limaj dhe luftën e drejtë të UÇK-së.

Pasi trupi gjykues shpalli të pavlefshme dëshmitë dhe ditarët e dëshmitarit X të rastit “Kleçka” ndaj dhjetë ish-luftëtarëve të UÇK-së, në mesin e të cilëve ishte edhe deputeti Fatmir Limaj, gjykata liroi dje nga arresti shtëpiak deputetin Limaj dhe të tjerët.

Limaj pas lirimit ka shëtitur gjatë qendrës së qytetit ndërsa ka vazhduar rrugën për në vendlindje në Malishevë ku u prit nga shumë qytetarë të kësaj komune të cilët shprehnin gëzim.

Limaj u prit si një hero nga bashkëvendësit, të cilët u shprehën të lumtur, duke thënë se më në fund u vendos drejtësia për deputetin Limaj dhe luftën e drejtë të UÇK-së.

Limaj pasi ka bërë homazhe në varrezat e dëshmorëve në Kleqkë dhe në varrezat e fshatit Banjë, gjatë orëve të mbrëmjes ka vizituar edhe varrin e komandantit legjendar Adem Jashari në Prekaz. / Kosovapress