Gjermania duket se ka gjetur versionin e saj të Robin Hood-it- një bamirës misterioz që poston shuma të mëdha parash tek organizatat e bamirësisë ose tek viktimat e krimeve.

Zarfet përmbajnë rreth 10 mijë euro në kartëmonedha 500-she.

Paratë i janë dërguar një viktime nga një grabitje, një sanatoriumi, disa organizatave bamirëse dhe familjes së një djaloshi handikapat, të quajtur Tom.

Zarfet nisën të vijnë në fund të vitit të shkuar në qytetin Braunschweig. Deri më tani 190 mijë euro janë shpërndarë në këtë mënyrë dhe kuptohet se kjo është shuma që kanë pranuar qytetarët se u ka mbërritur me zarf.

Ka disa teori se kush i dërgon paratë. Njëra është se mund të jetë një fitues llotarie. Tjetra se mund të jetë një trashëgimtar i pasur. Por më interesantja është se mund të jetë vetë zyra e taksave- pasi zyrtarët druhen se dikush aty duhet të jetë duke vjedhur shumë të mëdha parash në cash.

jan te rrall njerzit si punna ktij