Sekreti i jetës të gjatë për gratë? Të arrijnë të adoptojnë stilet e jetës që u sjellin shëndet dhe aspak stres. E duket se vendi më i mirë për një gjë të tillë, është Japonia.

Sipas një studimi të fundit zonat kryesore në botë ku jetëgjatësia e femrave është më e lartë se në të tjerat, gjenden nga Mesdheu në Japoni, duke përfshirë këtu edhe vendet skandinave.

Studimi pohon gjithashtu se vendet e cilësuara si "të shëndetshme" për femrat, janë të ndarë në dy kategori. Të parët futen në atë që cilësohet si “zona blu”, ku përfshihen Italia, Japonia, Greqia, Kalifornia dhe Kosta Rika. Vende të cilësuara me det të magjishëm, gjë e cila mesa duket shkakton edhe nivelin më të lartë të femrave që kalojnë moshën 100-vjeçare.

Madje aty thuhet se sëmundjet e zemrës, depresioni dhe kanceri kanë nivele shumë më të ulëta se në vende të tjera.
Konkretisht, në Japoni, ishulli Okinava, ka shkallën më të lartë të 100-vjeçareve në botë dhe një normë të ulët deri në -80 për qind të kancereve të gjirit

Thuhet se banorët e Okinavas praktikojnë një mënyrë jetese të quajtur “Hara hachi bu”, që nënkupton uljen në tryezën para se të na marrë uria, shoqëruar me meditimin, si një praktikë që kultivon spiritualitetin e tyre.

Dieta e femrave në këtë vend është e përbërë kryesisht nga fibrat, me të cilat janë të pasura ushqime të tilla si orizi, soja, peshku dhe disa produkte të qumështit.