Një 55-vjeçar nga Ura Vajgurore i dha fund jetës në orët e para të mëngjesit të sotëm duke u vetëqëlluar me armë zjarri.

Kujtim Agalliu, baba i tre fëmijëve i dha fund jetës me një armë zjarri, në banesën e tij në lagjen “Guri i Bardhë”, në Urën Vajgurore. Burime pranë spitalit të Beratit bënë me dije se 55-vjeçari mbërriti pa jetë në repartin e urgjencës i vetëqëlluar në trup me armë zjarri, ndërkohë që trupi pa jetë mbërriti në morg për hetimet e rastit.

55-vjeçari që vetëm pak kohë më parë ishte kthyer nga Greqia, ku kishte emigruar prej shumë vitesh mësohet se ishte vendosur përfundimisht në Shqipëri. Ende nuk dihen shkaqet që cuan 55-vjeçarin drejt këtij akti, ndërkohë që nga dyshimet e para mësohet se burri ka qënë në një moment depresioni. Pas kthimit nga një emigrim i gjatë nuk po arrinte të përshtatej me realitetin në qytezën e Urës Vajgurore dhe ditët e fundit kishte shfaqur probleme me stresin dhe në një moment depresioni dyshohet se i dha fund jetës
TCH